Nature

ചിക്കന്‍പോക്‌സ്: പ്രതിരോധവും, ചികിത്സയും

വൈറസ് അണുബാധയിലൂടെയുണ്ടാകുന്ന സാധാരണ അസുഖമാണ് ചിക്കന്‍പോക്‌സ്. വേനല്‍ക്കാലത്താണ് ചിക്കന്‍പോക്‌സ് പടരുന്നത്. ശരീരം മുഴുവന്‍ കുമിള രൂപത്തില്‍ തടിപ്പും പനിയും ഈ രോഗത്തിന്റെ ഫലമായി ഉണ്ടാകും. ഇന്ത്യയില്‍ സാധാരണയായി ജനവരി മുതല്‍ ജൂണ്‍വരെയുള്ള സമയത്താണ് ചിക്കന്‍പോക്‌സ് വ്യാപക മായി കണ്ടുവരുന്നത്.

രോഗപ്പകര്‍ച്ച

രോഗം പകരുന്നത് നേരിട്ടുള്ള സംസര്‍ഗത്തിലൂടെയോ, ചുമ, തുമ്മല്‍ ഇവയിലൂടെ പുറത്തുവരുന്ന നേര്‍ത്ത കണികകളിലൂടെയോ വായു വിലൂടെയോ ആണ് രോഗം പകരുന്നത്. വൈറസ് ശരീരത്തില്‍ പ്രവേശിച്ചയുടനെ ശ്വസനേന്ദ്രിയ രക്തത്തില്‍ പ്രവേശിക്കുന്നു. അവിടെവെച്ച് വൈറസ് പെരുകുകയും ത്വക്കിനെ ബാധിക്കുന്ന നിലവരെ ഇത് തുടരുകയുംചെയ്യും. രണ്ടാംഘട്ടമായി വൈറസ് പെരുകുമ്പോള്‍ രോഗിക്ക് ചെറിയ പനി, അസ്വസ്ഥത, പേശീവേദന എന്നിവയുണ്ടാകും. ദിവസങ്ങള്‍ക്കകം നെഞ്ചിലും പിന്‍ഭാഗത്തും കുമിളകള്‍ വരികയും ചെയ്യും. പിന്നീട് ശരീരമാസ കലം കുമിളകള്‍ പടരും.

ലക്ഷണങ്ങള്‍

ചെറിയ പനി, പിന്‍ഭാഗത്ത് വേദന, വിറയല്‍ , തളര്‍ച്ച എന്നീ ലക്ഷണങ്ങളിലൂടെയാണ് ചിക്കന്‍പോക്‌സിന്റെ തുടക്കം. ഇത് ഒരു ദിവസം നീണ്ടുനില്‍ക്കും. പിന്നീട് മൂന്നു മുതല്‍ നാലുദിവസത്തിനകം മുഖം, കൈ, കാലുകള്‍ എന്നിവിടങ്ങളിലേയ്ക്ക് തടിപ്പുകള്‍ വ്യാപി ക്കും. തുടക്കത്തില്‍ തടിപ്പ് മാത്രമാണെങ്കിലും പിന്നീട് വെള്ളംകെട്ടി നില്‍ക്കുന്ന കുമിളകള്‍വന്ന് നാലു മുതല്‍ ഏഴുദിവസത്തിനകം അവ പൊട്ടും. അണുബാധയുണ്ടായി 14-16 ദിവസങ്ങള്‍ക്കുള്ളില്‍ രോഗലക്ഷണങ്ങള്‍ കാണപ്പെടും. ഇത് ഏഴുമുതല്‍ 21 ദിവസംവരെ നീണ്ടുനില്‍ക്കും. വേഗം പടര്‍ന്നുപിടിക്കുന്ന രോഗമായതിനാല്‍ കുടുംബത്തിലെ എല്ലാ വര്‍ക്കും പകരാനുള്ള സാധ്യത 90 ശതമാനമണ്.

ചികിത്സ

രോഗലക്ഷണങ്ങളുടെ (പനി, ചൊറിച്ചില്‍ ) നിയന്ത്രണം വേഗത്തിലാക്കുക, കുമിളകള്‍ ഉണ്ടാകുന്നത് കുറയ്ക്കുക, രോഗശമനം ത്വരിതപ്പെടു ത്തുക, ചിക്കന്‍പോക്‌സ് പടരുന്നത് തടയുക എന്നിവയാണ് ചികിത്സ യുടെ ലക്ഷ്യം. പനി ചികിത്സിക്കാന്‍ സാധാരണയായി പാരസറ്റമോളാണ് ഉപയോഗിക്കാറ്. ചൊറിച്ചില്‍ കുറയ്ക്കാന്‍ കലാമിന്‍ ലോഷന്‍, ആന്റി ഹിസ്റ്റാമൈന്‍സ് എന്നിവ സഹായിക്കും. ഡോക്ടര്‍മാര്‍ ശുപാര്‍ശ ചെയ്യുന്ന ആന്റീവൈറല്‍സ് (അസൈ ക്ലോവിര്‍)ചിക്കന്‍പോക്‌സ് വൈറസിനെതിരെ ഫലപ്രദമാണ്. ശരീരത്തിനുള്ളില്‍വെച്ച് വൈറസ് പെരുകുന്നതിനെ ഇത് തടയു കയും രോഗലക്ഷണങ്ങള്‍ ലഘുവാക്കുകകയും പുതിയ കുമിളകള്‍ ഉണ്ടാകുന്നതിനുള്ള കാലതാമസം കുറച്ച് അണുബാധ നീണ്ടു നില്‍ക്കുന്ന കാലയളവില്‍ കുറവുണ്ടാക്കുകയും ചെയ്യുന്നു.

സാധാരണ ഫലങ്ങള്‍

ആരോഗ്യമുള്ള കുട്ടികളില്‍ ബുദ്ധിമുട്ടുകള്‍ അപൂര്‍വമായി മാത്രമേ ഉണ്ടാകാറുള്ളൂ. എന്നാല്‍ മുതിര്‍ന്നവരില്‍ ഇത് കൂടുതല്‍ രൂക്ഷ മാകാറുണ്ട്. ത്വക്കിലൂടയുണ്ടാകുന്ന ബാക്ടീരിയ അണുബാധയാണ് ബുദ്ധിമുട്ട് ഏറെയുണ്ടാക്കുന്നത്.

ഹെര്‍പിസ് സോസ്റ്റര്‍, ന്യുമോണിയ:

മുതിര്‍ന്നവരിലാണ് ഇത് സാധാരണ കണ്ടുവരുന്നത്. രോഗപ്രതിരോധ ശേഷികുറഞ്ഞവരിലും ഗര്‍ഭിണികളിലും അതീവ ഗുരുതരാവസ്ഥയുണ്ടാകാനിടയാകും. പാന്‍ക്രിയാസ്, അപ്പന്റിസൈറ്റിസ്, ഹെപ്പറ്റൈറ്റിസ്, രക്തസ്രാവം തുടങ്ങിയവയുണ്ടായേക്കാം. എച്ച്.ഐ.വി ഉള്ളവരില്‍ വെരിസെല്ല സോസ്റ്റര്‍ വൈറസ് ഗുരുതരമമായതരത്തില്‍ പ്രത്യേക്ഷമാകും.

പകരുന്നത് തടയാം

ചിക്കന്‍പോക്‌സ് ഉള്ളവരുമായി അടുത്ത് ഇടപഴകാതിരിക്കുക. സ്‌കൂളുകള്‍ ‍, ശിശുസംരക്ഷണ കേന്ദ്രങ്ങള്‍ , കുടുംബം എന്നിവടിങ്ങളില്‍ സമ്പര്‍ക്കംമൂലം രോഗം പകരാന്‍ സാധ്യത കൂടുതലാണ്.

ചികിത്സക്കൊപ്പം എടുക്കേണ്ട മുന്‍കരുതലുകള്‍

വിശ്രമിക്കുക. കുമിളകള്‍ പൊട്ടിക്കാതിരിക്കുക. കുട്ടികളുടെ കൈകളില്‍ കയ്യുറ ധരിപ്പിക്കുക. പ്രത്യേകിച്ചും ചൊറിച്ചില്‍ കൂടുതലുള്ള രാത്രിസമയങ്ങളില്‍ . മുതിര്‍ന്നവര്‍ക്ക് ചൊറിച്ചില്‍ കുറയ്ക്കുന്നതിനും ആശ്വാസത്തിനും സ്പഞ്ചുപയോഗിച്ച് തണുത്തവെള്ളത്തിലെ കുളി സഹായിക്കും. കലാമിന്‍ ലോഷന്‍ കൊണ്ട് മുറിവ് മൃദുവായി അമര്‍ത്തുന്നത് ചൊറിച്ചില്‍ കുറയ്ക്കാന്‍ സഹായിക്കും. കൂടുതല്‍ വിവരങ്ങള്‍ക്ക് നിങ്ങളുടെ ഡോക്ടറുമായി സംസാരിക്കുക. ഡോക്ടറുടെ നിര്‍ദേശപ്രകാരം മാത്രമേ മരുന്ന് ഉപയോഗിക്കാവൂ.

ചൂടുകാലമാണ്‌. പലതരം രോഗങ്ങള്‍ നമ്മെ കീഴ്‌പ്പെടുത്തുന്ന സമയം.

അന്തരീക്ഷത്തിലുണ്ടാകുന്ന വ്യതിയാനം വളരെ വേഗം നമ്മുടെ ശരീരത്തിനെ ബാധിക്കും. ചിക്കന്‍പോക്‌സ്‌ ആണ്‌ ഈ കാലത്ത്‌ കൂടുതലും കണ്ടുവരുന്ന അസുഖം. കുട്ടികള്‍ക്കു മുതല്‍ മുതിര്‍ന്നവര്‍ക്കു വരെ പിടിപെടുന്ന ഈ അസുഖം ഒരിക്കല്‍ വന്നവര്‍ക്ക്‌ പിന്നീട്‌ വരാറില്ല. ഒരിക്കല്‍ ചിക്കന്‍പോക്‌സ്‌ പിടിപെട്ടാല്‍ ജീവിതകാലം മുഴുവന്‍ പ്രതിരോധശേഷി കിട്ടും. 12 വയസ്സിനു താളെയുള്ള കുട്ടികള്‍ക്ക്‌ ചിക്കന്‍ പോക്‌സ്‌ പിടിപെട്ടാല്‍ പൊതുവെ ആന്റിവൈറല്‍ മരുന്നുകള്‍ നിര്‍ദേശിക്കാറില്ല. ചര്‍മരോഗം, ശ്വാസകോശരോഗം എന്നിവ ഉള്ളവരില്‍ ‍, സ്‌റ്റിറോയ്‌ഡ്‌ മരുന്നുകള്‍ , ആസ്‌പിരിന്‍ എന്നിവ ഉപയോഗിക്കുന്നവരില്‍ പ്രതിരോധ ശേഷി കുറഞ്ഞവരില്‍ ചിക്കന്‍പോക്‌സ്‌ ചിലപ്പോള്‍ മറ്റു രോഗങ്ങള്‍ ഉണ്ടാക്കാം.ന്യുമോണിയ, മെനഞ്ചൈറ്റിസ്‌,എന്‍സെഫലറ്റിസ്‌ തുടങ്ങിയവ പിടിപെടാം. എന്നാല്‍ ‍, രോഗം തുടങ്ങി 24 മണിക്കൂറിനുള്ളില്‍ മരുന്നു നല്‍കിയാല്‍ രോഗതീവ്രതയും ദൈര്‍ഘ്യവും കുറയും രോഗം ചിലകാര്യങ്ങളില്‍ ശ്രദ്ധ നല്‍കുന്നത്‌ രോഗത്തിന്റെ തീവ്രത കുറയ്‌ക്കാന്‍ നല്ലതാണ്‌. രോഗം വന്നാല്‍ ചര്‍മ്മം ശുചിയായി സൂക്ഷിക്കണം

You might also like

Comments are closed.