ഹോങ്കോംഗ് ചൈനയ്ക്കു കൈമാറിയതിന്‍റെ അനുസ്മരണദിനം കൂടിയായിരുന്ന ഇന്നലെ ജനാധിപത്യവാദികള്‍ നടത്തിയ പ്രക്ഷോഭം അക്രമാസക്തമായി
ഹോങ്കോംഗ്: ബ്രിട്ടീഷ് കോളനിയായ ഹോങ്കോംഗ് ചൈനയ്ക്കു കൈമാറിയതിന്‍റെ അനുസ്മരണദിനം കൂടിയായിരുന്ന ഇന്നലെ ഹോങ്കോംഗില്‍ ജനാധിപത്യവാദികള്‍ നടത്തിയ പ്രക്ഷോഭം അക്രമാസക്തമായി. മണിക്കൂറുകളോളം പാര്‍ലമെന്‍റ് ഉപരോധിച്ച പ്രകടനക്കാര്‍ വൈകുന്നേരം പാര്‍ലമെന്‍റിന്‍റെ ചില്ലു ജനാലകളും മറ്റും തകര്‍ത്ത് സെന്‍ട്രല്‍ ഹാളിനുള്ളില്‍ പ്രവേശിച്ച്‌ ബ്രിട്ടീഷ് പതാക ഉയര്‍ത്തി.ഹോങ്കോംഗ് നേതാക്കളുടെ ചിത്രങ്ങള്‍ വലിച്ചുകീറുകയും കറുത്ത പെയിന്‍റ് സ്പ്രേ ചെയ്യുകയും ചെയ്തു. പ്രകടനക്കാരെ പിരിച്ചുവിടാന്‍ പോലീസ് കണ്ണീര്‍വാതകം പ്രയോഗിച്ചു.
