അപകടത്തിൽപ്പെട്ട സൈക്കിൾ യാത്രികനെ രക്ഷകനായി എത്തിയത് മന്ത്രി റോഷി അഗസ്റ്റിൻ
കൊല്ലം: ബൈപ്പാസ് റോഡിലെ കുരിയപ്പുഴ പാലത്തിൽ സൈക്കിളിൽ നിന്നു വീണ യുവാവിന് രക്ഷകനായി മന്ത്രി റോഷി അഗസ്റ്റിൻ. കരുനാഗപ്പള്ളിയിലെ പരിപാടി കഴിഞ്ഞ് തിരുവനന്തപുരത്തേക്ക് മടങ്ങുകയായിരുന്ന മന്ത്രി അപകടത്തിൽ പെട്ട് കുരിയപ്പുഴയിൽ റോഡിൽ വീണുകിടന്ന തെക്കേചിറ സ്വദേശി തുളസീധരനെ ആശുപത്രിയിലെത്തിക്കാൻ നേരിട്ടിറങ്ങി നിർദേശം നൽകി.
മന്ത്രി നിർദേശം നൽകിയത് മന്ത്രിക്ക് അകമ്പടി വന്ന കരുനാഗപ്പള്ളി എസ്ഐ ധന്യയുടെ നേതൃത്വത്തിലുള്ള പോലീസിന് സംഘത്തിനാണ് . തുടർന്ന് തുളസീധരനെ ഉടൻതന്നെ ഓട്ടോറിക്ഷയിൽ ആശുപത്രിയിലെത്തിച്ചു. ഉടൻ ആശുപത്രിയിലെത്തിക്കാൻ ആയതിനാൽ തുളസീധരന്റെ പരിക്ക് ഗുരുതരമല്ലെന്ന് മന്ത്രി അറിയിച്ചു.