ഭീകരരുടെ ആക്രമണം തടയാൻ ഉറിയില് മൊബൈല്, ഇന്റര്നെറ്റ് സേവനങ്ങള് നിര്ത്തിവച്ചു
Sep 21, 2021, 07:35 IST
ശ്രീനഗർ: ജമ്മുകാഷ്മീരിലെ ബാരമുള്ള ജില്ലയിലെ അതിര്ത്തി മേഖലയായ ഉറിയില് ഭീകരർ നുഴഞ്ഞു കയറുന്നെന്ന് വിവരം ലഭിച്ചതിനെ തുടർന്ന് മൊബൈല്, ഇന്റര്നെറ്റ് സേവനങ്ങള് നിര്ത്തിവച്ചു. ഇവർ ആയുധധാരികളായ ഭീകരസംഘം ആണെന്നും റിപ്പോർട്ടുകളുണ്ട്. ഈ വിവരങ്ങളുടെ അടിസ്ഥാനത്തിൽ ഭീകരരെ കണ്ടെത്താന് സുരക്ഷാസേന ശ്രമിക്കുകയാണ്.
സൈന്യത്തിന്റെ നിയന്ത്രണത്തിലാണ് ഉറിയിലെ വലിയൊരു മേഖല ഉള്ളത്. അതിനാൽ കഴിഞ്ഞ 30 മണിക്കൂറായി സുരക്ഷാസേന പ്രദേശത്ത് തമ്പടിച്ചിരിക്കുകയാണ്. എന്നാൽ ഭീകരര് രാജ്യത്ത് പ്രവേശിച്ചോയെന്നോ മടങ്ങിപ്പോയോയെന്നോ സ്ഥിരീകരണമില്ല.