ഡ്യൂറൻഡ് കപ്പ്: ഗോകുലം കേരളയ്ക്കു വിജയം
Sep 16, 2021, 20:41 IST
കോൽക്കത്ത: ഡ്യൂറൻഡ് കപ്പ് ഫുട്ബോൾ ചാമ്പ്യൻഷിപ്പിൽ ഗോകുലം കേരളയ്ക്കു വിജയം. ഹൈദരാബാദ് എഫ്സിയെ എതിരില്ലാത്ത ഒരു ഗോളിനാണ് ഗോകുലം പരാജയപ്പെടുത്തിയത്.നാൽപ്പത്തേഴാം മിനിറ്റിൽ ഘാന താരം റഹിം ഒസുമാനുവാണ് വിജയ ഗോൾ നേടിയത്. എന്നാൽ തൊട്ടടുത്ത മിനിറ്റിൽ മലയാളി താരം എമിൽ ബെന്നി ചുവപ്പുകാർഡ് കണ്ട് പുറത്തായതോടെ ഗോകുലം 10 പേരായി ചുരുങ്ങി. ഇതോടെ പ്രതിരോധം ശക്തിപ്പെടുത്തിയ ഗോകുലം വിജയം പിടിച്ചെടുക്കുകയായിരുന്നു. രണ്ട് മത്സരങ്ങളിൽനിന്ന് ഗോകുലത്തിന് നാല് പോയിന്റായി.