ഇത്തവണത്തെ ഐപിഎല്ലിന് കാണികൾക്കും പ്രവേശനം
Sep 15, 2021, 20:12 IST
ദുബായി: യുഎഇ യിൽ നടക്കാനിരിക്കുന്ന ഐപിഎൽ മത്സരങ്ങളിൽ കാണികൾക്കും പ്രവേശനമുണ്ടായിരിക്കും. അതേസമയം, നിയന്ത്രിത എണ്ണം ആളുകൾക്ക് മാത്രമായിരിക്കും പ്രവേശനം അനുവദിക്കുക. ഐപിഎൽ സിഒഒ ഹോമംഗ് അമിൻ ആണ് ഇക്കാര്യം ഫ്രാഞ്ചൈസികളെ അറിയിച്ചത്. മേയിൽ ഇന്ത്യയിൽ തുടങ്ങിയ ഐപിഎൽ 2021 സീസണ് കോവിഡ് വ്യാപനം മൂലം പാതിവഴിയിൽ നിർത്തിയിരുന്നു. പിന്നീടാണ് ശേഷിക്കുന്ന മത്സരങ്ങൾ യുഎഇയിൽ നടത്താൻ ബിസിസിഐ തീരുമാനിച്ചത്. സെപ്റ്റംബർ 19-നാണ് രണ്ടാം ഭാഗം തുടങ്ങുന്നത്.