ബിജെപി എംപി അർജുൻ സിംഗിന്റെ വസതിക്കു നേരേ വീണ്ടും ബോംബാക്രമണം
കോൽക്കത്ത: ബിജെപി നേതാവായ അർജുൻ സിംഗിന്റെ നോർത്ത് 24 പർഗാനാസിലുള്ള വസതിക്കു സമീപം വീണ്ടും സ്ഫോടനം. ഇദ്ദേഹം പശ്ചിമബംഗാളിലെ ബാരക്പുരിൽനിന്നുള്ള ലോക്സഭാംഗം കൂടിയാണ്. ആരോ ഇന്നലെ രാവിലെ 9.10ന് എറിഞ്ഞ ബോംബ് ഇദ്ദേഹത്തിന്റെ വീട്ടിൽൽനിന്ന് 200 മീറ്റർ അകലെയാണ് പൊട്ടിത്തെറിച്ചത്. സമാനരീതിയിൽ സെപ്റ്റംബർ എട്ടിനും സ്ഫോടനം ഉണ്ടായിരുന്നു.
സംഭവത്തെ തുടർന്ന് തന്നെയും തന്റെ കുടുംബാംഗങ്ങളെയും വകവരുത്താൻ തൃണമൂൽ കോൺഗ്രസ് ശ്രമിക്കുന്നതായാണ് അർജുൻ സിംഗ് ആരോപിച്ചത്. എന്നാൽ തൃണമൂൽ നേതാക്കൾ ആരോപണം നിഷേധിച്ചു.