മഞ്ചേശ്വരം തിരഞ്ഞെടുപ്പ് കോഴക്കേസില് കെ സുരേന്ദ്രന് നോട്ടീസ്; നാളെ ചോദ്യം ചെയ്യും
Sep 15, 2021, 08:15 IST
കാസർഗോഡ്: ബിജെപി സംസ്ഥാന അധ്യക്ഷൻ കെ. സുരേന്ദ്രനെ മഞ്ചേശ്വരം തെരഞ്ഞെടുപ്പ് കോഴക്കേസിൽ ചോദ്യം ചെയ്യലിന് ഹാജരാകാൻ നോട്ടീസ്. നിർദേശം പ്രകാരം വ്യാഴാഴ്ച രാവിലെ കാസർഗോഡ് ജില്ലാ ക്രൈംബ്രാഞ്ച് ഓഫീസിലാണ് ഹാജറാകേണ്ടത്.
മൂന്ന് മാസങ്ങൾക്കു മുൻപ് നിയമസഭാ തെരഞ്ഞെടുപ്പിൽ മഞ്ചേശ്വരത്തെ സ്ഥാനാർഥിത്വം പിൻവലിക്കാൻ ബിഎസ്പി സ്ഥാനാർഥിയായിരുന്ന കെ. സുന്ദരയ്ക്ക് കോഴ നൽകിയെന്നും ഭീഷണിപ്പെടുത്തിയെന്നും നൽകിയ പരാതിയുടെ അടിസ്ഥാനത്തിലാണ് സുരേന്ദ്രനോട് ചോദ്യം ചെയ്യലിന് ഹാജരാകാൻ നിർദ്ദേശം നൽകുന്നത്.