റഷ്യൻ പ്രസിഡന്‍റ് വ്ലാഡിമർ പുടിൻ സ്വയം നിരീക്ഷണത്തിൽ
മോസ്കോ: റഷ്യൻ പ്രസിഡന്‍റ് വ്ലാഡിമർ പുടിൻ സ്വയം നിരീക്ഷണത്തിൽ. അദ്ദേഹവുമായി അടുത്ത ബന്ധം പുലർത്തിയിരുന്നയാൾക്കു കോവിഡ്-19 രോഗം സ്ഥിരീകരിച്ചതോടെയാണ് അദ്ദേഹം ഈ നടപടി സ്വീകരിച്ചത്. വിവരം പുറംലോകമറിയുന്നത് താജിക്കിസ്ഥാൻ പ്രസിഡന്‍റ് ഇമോമാലി റഹ്‌മോനുമായി പുടിൻ നടത്തിയ ടെലിഫോൺ സംഭാഷണത്തിന്‍റെ വാർത്ത പുറത്തുവന്നതോടെയാണ്.
എന്നാൽ റഷ്യ തന്നെ വികസിപ്പിച്ച സ്പുട്നിക് 5 കോവിഡ് വാക്സിന്‍റെ രണ്ടു ഡോസും പുടിൻ സ്വീകരിച്ചിരുന്നു. കൂടാതെ കായിക വക്താവ് ദിമിത്രി പെസ്കോവ് പറയുന്നത് പുടിന്‍റെ കോവിഡ് പരിശോധനാഫലം നെഗറ്റീവാണെന്നാണ്.
