അടുത്തയാഴ്ച മുതൽ യുകെയിൽ ബൂസ്റ്റർ ഡോസ് നൽകുമെന്ന് യുകെ ആരോഗ്യ സെക്രട്ടറി സജീദ് ജാവിദ്
ലണ്ടൻ: അടുത്തയാഴ്ച മുതൽ അന്പതു വയസിനു മുകളിലുള്ളവർക്ക് കോവിഡ് വാക്സിന്റെ ബൂസ്റ്റർ ഡോസ് (മൂന്നാം ഡോസ്) നൽകുമെന്ന് യുകെ ആരോഗ്യ സെക്രട്ടറി സജീദ് ജാവിദ് പറഞ്ഞു. ഈ തീരുമാനം വിദഗ്ധസമിതിയുടെ ശിപാർശ അനുസരിച്ചാണെന്ന് അദ്ദേഹം യുകെ പാർലമെന്റിൽ വെളിപ്പെടുത്തി.
പാർലമെന്റിൽ ശൈത്യകാലത്ത് കോവിഡിനെ നേരിടാനുള്ള സർക്കാരിന്റെ പദ്ധതികൾ സംബന്ധിച്ച റിപ്പോർട്ട് സമർപ്പിക്കവേ ആണ് അദ്ദേഹം ഇക്കാര്യം സൂചിപ്പിച്ചത്. ബൂസ്റ്റർ ഡോസായി നൽകുന്നത് ഫൈസർ-ബയോൺടെക്, മോഡേണ വാക്സിനുകളാണ് .