തൃശൂരില് സംഘര്ഷത്തിനിടെ ചവിട്ടേറ്റ് താഴെ വീണ സെക്യൂരിറ്റി ജീവനക്കാരന് കൊല്ലപ്പെട്ടു
Sep 15, 2021, 06:47 IST
തൃശൂർ: തൃശൂരില് സ്വകാര്യസ്ഥാപനത്തിലെ സെക്യൂരിറ്റി ജീവനക്കാരന് സംഘർഷത്തിനിടെ കൊല്ലപ്പെട്ടു. മരിച്ചത് സുബ്രഹ്മണ്യന്(74)ആണ് .
കെട്ടിടത്തില് നിന്നും ആളെ ഒഴിപ്പിക്കുന്നതുമായി ബന്ധപ്പെട്ട സംഘര്ഷത്തിനിടെ ചവിട്ടേറ്റ സുബ്രഹ്മണ്യന് നിലത്തു വീണപ്പോൾ കല്ലില് തലയിടിച്ചിരുന്നു. ഇതിനാലാണ് ഉടൻ മരണം സംഭവിച്ചത്. തുടർന്ന് പ്രതിയായ കുമളി സ്വദേശി അയ്യപ്പന്കുട്ടി(56)യെ പുതുക്കാട് പോലീസ് കസ്റ്റഡിയിലെടുത്തു. സുബ്രഹ്മണ്യന്റെ മൃതദേഹം പുതുക്കാട് താലൂക്ക് ആശുപത്രിയിലേക്കു മാറ്റി.