വിനോദ സഞ്ചരികൾക്കായി ഇടുക്കി അണക്കെട്ട് തുറന്നു; ആദ്യദിവസം തന്നെ 430 സന്ദർശകർ
ചെറുതോണി: ഓണത്തോടനുബന്ധിച്ച് വിനോദ സഞ്ചരികൾക്കായി ചെറുതോണി അണക്കെട്ടുകൾ തുറന്നതോടെ ആദ്യദിവസം തന്നെ അണക്കെട്ടുകൾ സന്ദർശിക്കാൻ 430 പേർ എത്തി. പ്രവേശനത്തിന് മുതിർന്നവർക്ക് 40 രൂപയും കുട്ടികൾക്ക് 20 രൂപയുമാണ് ഈടാക്കുന്നത്.
അണക്കെട്ടുകൾ കാണാൻ എട്ടുപേർ വരെ കയറാവുന്ന ബഗ്ഗി കാറുകളും ഏർപ്പെടുത്തിയിട്ടുണ്ട്. കൂടാതെ കൃത്യമായ കോവിഡ് നിയന്ത്രണങ്ങളോടെയാണ് അണക്കെട്ടിലേക്ക് വിനോദ സഞ്ചരികളെ പ്രവേശിപ്പിക്കുന്നത്. രണ്ടു ഡോസ് കോവിഡ് വാക്സിൻ സ്വീകരിച്ചവരോ, കോവിഡ് പിടിപെട്ട് ഒരുമാസം കഴിഞ്ഞവരോ ആയിരിക്കണം സന്ദർശകർ എന്നും നിബന്ധന ഉണ്ട്.