ലോകത്തെ 100 ഗ്ലോബല്‍ ബ്രാന്‍ഡ് കമ്ബനികളില്‍ എച്ച്‌.ഡി.എഫ്.സി. ബാങ്കും
കൊച്ചി: ഏറ്റവും മികച്ച മൂല്യമുള്ള 100 ഗ്ലോബല്‍ ബ്രാന്‍ഡുകളുടെ പട്ടികയില്‍ എച്ച്‌.ഡി.എഫ്.സി. ബാങ്കും. കഴിഞ്ഞ വര്‍ഷത്തെപ്പോലെ ഇത്തവണയും 60-ാമത് റാങ്കാണ് ബാങ്ക് നേടിയത്. പുതിയ ലിസ്റ്റില്‍, ബാങ്കിന്റെ ബ്രാന്‍ഡ് മൂല്യം 2,270 കോടി ഡോളറായി ഉയര്‍ന്നു. കഴിഞ്ഞ വര്‍ഷം ഇത് 2,087 കോടി ഡോളറായിരുന്നു.
തുടര്‍ച്ചയായ അഞ്ചാം തവണയാണ് എച്ച്‌.ഡി.എഫ്.സി. ബാങ്ക് ഈ നേട്ടം സ്വന്തമാക്കുന്നത്. ലൈഫ് ഇന്‍ഷുറന്‍സ് കോര്‍പ്പറേഷന്‍ (68), ടാറ്റാ കണ്‍സല്‍ട്ടന്‍സി സര്‍വീസ് (97) എന്നിവയാണ് ഈ വര്‍ഷം പട്ടികയില്‍ ഇടം നേടിയിട്ടുള്ള മറ്റ് ഇന്ത്യന്‍ കമ്ബനികള്‍.
ആമസോണാണ് പട്ടികയില്‍ ഒന്നാമത്. ആപ്പിള്‍, ഗൂഗിള്‍, മൈക്രോസോഫ്റ്റ്, വിസ, ഫെയ്‌സ്ബുക്ക്, ആലിബാബ, ടെന്‍സെന്റ്, മക്‌ഡൊണാള്‍ഡ്‌സ്, എ.ടി. ആന്‍ഡ് ടി. എന്നിവയാണ് പട്ടികയില്‍ ആദ്യത്തെ പത്ത് സ്ഥാനങ്ങളിലുള്ള കമ്ബനികള്‍.