മന്ത്രി വി. ശിവൻകുട്ടി രാജിവെക്കുന്നതുവരെ സമരം തുടരുമെന്ന് കെ.പി.സി.സി പ്രസിഡൻറ് കെ. സുധാകരൻ
Aug 5, 2021, 07:31 IST
തിരുവനന്തപുരം: നിയമസഭാ കയ്യാങ്കളി കേസിൻ്റെ പശ്ചാത്തലത്തിൽ മന്ത്രി വി. ശിവൻകുട്ടി രാജിവെക്കുന്നതുവരെ നേമം നിയോജക മണ്ഡലത്തിൽ സമരം തുടരുമെന്ന് കെ.പി.സി.സി പ്രസിഡൻറ് കെ. സുധാകരൻ എം.പി. പറഞ്ഞു.
കമലേശ്വരം ജങ്ഷനിൽ യു.ഡി.എഫ് നേമം നിയോജകമണ്ഡലം കമ്മിറ്റി സംഘടിപ്പിച്ച 51 ദിവസം നീളുന്ന ആദ്യഘട്ട സത്യഗ്രഹം ഉദ്ഘാടനം ചെയ്യുകയായിരുന്നു അദ്ദേഹം. അധ്യക്ഷതവഹിച്ചത് യു.ഡി.എഫ് ചെയർമാൻ കമ്പറ നാരായണൻ ആണ് . തുടർന്ന് യു.ഡി.എഫ് കൺവീനർ രഞ്ജിത് പാച്ചല്ലൂർ, മണക്കാട് സുരേഷ്, മുടവൻമുകൾ രവി, ജി.വി. ഹരി, ആർ.വി. രാജേഷ്, കരുമം സുന്ദരേശൻ, ഡി.സി.സി പ്രസിഡൻറ് നെയ്യാറ്റിൻകര സനൽ, കെ. ജയകുമാർ, പാച്ചല്ലൂർ നജ്മുദീൻ എന്നിവരും സംസാരിച്ചു.