എത്ര കഴിച്ചാലും ഹാങ് ഓവര്‍ ഇല്ലാത്ത മദ്യം..!

എത്ര കഴിച്ചാലും ഹാങ് ഓവര്‍ ഉണ്ടാകാത്ത മദ്യവുമായി ഉത്തര കൊറിയ. ഒരു ഔഷധച്ചെടിയില്‍ നിന്നുമാണ് കൊറിയ ഈ മദ്യം ഉണ്ടാക്കിയിരിക്കുന്നത്. ഇത് എത്ര കൂടിയ അളവില്‍ കഴിച്ചെന്നാലും ഹാങ് ഓവര്‍ ഉണ്ടാകില്ലെന്നാണ് കൊറിയയുടെ വാദം.

മദ്യത്തില്‍ പഞ്ചസാരയുടെ അളവ് കുറവായതിനാലാണ് ഹാങ് ഓവറും ഉണ്ടാകില്ലെന്ന് ഉത്തര കൊറിയ പറയുന്നത്. കൊറ്‌യോ ലിക്വര്‍ എന്ന് പേരിട്ടിരിക്കുന്ന ഈ മദ്യം ഒരു ഔഷധച്ചെടിയും ഉണങ്ങിയ അരിയും ചേര്‍ത്താണ് ഉണ്ടാക്കിയിരിക്കുന്നത്. രുചികരമായിരിക്കും ഈ മദ്യം എന്ന് ഗവേഷകര്‍ പറയുന്നു.ഈ മദ്യമുണ്ടാക്കുന്ന ഔഷധച്ചെടിയില്‍ നിന്ന് വേര്‍തിരിച്ചെടുക്കുന്ന മരുന്നിന് മെര്‍സ്, സാര്‍സ്, എയ്ഡ്‌സ് പോലെയുള്ള പല മാരക രോഗങ്ങളും മാറ്റാനുള്ള കഴിവുണ്ടെന്ന് ഉത്തര കൊറിയ നേരത്തെ അവകാശപ്പെട്ടിരുന്നു.