വരുമാനമില്ലാത്ത സര്വീസുകള് നിര്ത്താനൊരുങ്ങി കെഎസ്ആര്ടിസി
Jul 29, 2021, 13:03 IST
തിരുവനന്തപുരം: വരുമാനം ഇല്ലാത്ത സര്വീസുകള് നിര്ത്താന് ഒരുങ്ങി കെഎസ്ആര്ടിസി. ലാഭകരമല്ലാത്ത സര്വീസുകള് കണ്ടെത്തി അറിയിക്കാന് കെഎസ്ആര്ടിസി എംഡി ബിജു പ്രഭാകര് നിർദ്ദേശം നൽകി. രണ്ടാഴ്ചയ്ക്കകം ലാഭകരമല്ലാത്ത സര്വീസ് നടത്തണമെങ്കില് തദ്ദേശ സ്വയംഭരണ സ്ഥാപനങ്ങള് ഡീസല് തുക നല്കണമെന്നാണ് ആവശ്യം.ശമ്പള പരിഷ്കരണം നടപ്പാക്കേണ്ടതിനാല് ഡീസല് ഉപയോഗത്തില് അടക്കം ചെലവ് ചുരുക്കാനാണ് തീരുമാനം. കൊവിഡ് കാലം തുടങ്ങിയത് മുതല്വലിയ സാമ്പത്തിക പ്രതിസന്ധിയിലൂടെയാണ് കെഎസ്ആര്ടിസി കടന്നുപോകുന്നത്.