അമേരിക്ക: വാക്സിൻ പങ്കാളിത്തത്തിലൂടെ കോവിഡ് മഹാമാരി അവസാനിപ്പിക്കും
Jul 29, 2021, 06:22 IST
ന്യൂഡൽഹി:അമേരിക്കൻ സ്റ്റേറ്റ് സെക്രട്ടറി ആന്റണി ബ്ലിങ്കൻ ഇന്ത്യയുടെ കോവിഡ് വാക്സിനേഷൻ പദ്ധതിക്കായി 186 കോടി രൂപയുടെ (രണ്ട രക്കോടി ഡോളർ) സഹായം പ്രഖ്യാപിച്ചു . ഇന്ത്യയുടെ വിദേശകാര്യമന്ത്രി എസ്. ജയശങ്കറുമായുള്ള ചർച്ചകൾക്കു ശേഷമാണ് ഇക്കാര്യം അറിയിച്ചത്.
കോവിഡ് മഹാമാരിക്ക് അന്ത്യം കാണാൻ ഇന്ത്യയും അമേരിക്കയും എല്ലാ കാര്യങ്ങളിലും സഹകരണം മെച്ചപ്പെടുത്തും. ഇതിലൂടെ ഇരുരാജ്യങ്ങളും ലോകത്തിനാകെ നായകരാകുമെന്നും ആദ്യമായി ഇന്ത്യയിലെത്തിയ അമേരിക്കൻ വിദേശകാര്യ സെക്രട്ടറി വ്യക്തമാക്കി.