ഇന്ത്യയടക്കം “റെഡ്‌ ലിസ്‌റ്റി”ല്‍ ഉള്‍പ്പെട്ട രാജ്യങ്ങള്‍ സന്ദര്‍ശിക്കുന്ന തങ്ങളുടെ പൗരന്‍മാര്‍ക്ക്‌ മൂന്നു വര്‍ഷത്തെ യാത്രാ വിലക്ക്‌ ഏര്‍പ്പെടുത്താനൊരുങ്ങി സൗദി
ലണ്ടന്‍: കോവിഡിന്റെ ഡെൽറ്റ വകഭേദം ലോകമെങ്ങും അതിവേഗം വ്യാപിക്കുകയാണ്. ഈ സാഹചര്യത്തിൽ ഇന്ത്യയടക്കം “റെഡ്‌ ലിസ്‌റ്റി”ല്‍ ഉള്‍പ്പെട്ട രാജ്യങ്ങള്‍ സന്ദര്‍ശിക്കുന്ന തങ്ങളുടെ പൗരന്‍മാര്‍ക്ക്‌ മൂന്നു വര്‍ഷത്തെ യാത്രാ വിലക്ക്‌ ഏര്‍പ്പെടുത്താനൊരുങ്ങുകയാണ് സൗദി അറേബ്യ. മുന്‍കൂട്ടിയുള്ള അനുമതിയില്ലാതെ യാത്ര ചെയ്യാന്‍ കഴിഞ്ഞ മേയില്‍ ലഭിച്ച അവസരം പൗരന്‍മാരില്‍ ചിലര്‍ ഈ സാഹചര്യം ദുരുപയോഗം ചെയ്‌ത സാഹചര്യത്തിലാണു കടുത്ത നടപടിക്ക് സൗദി ഒരുങ്ങുന്നത്. ഇന്ത്യക്കു പുറമേ അഫ്‌ഗാനിസ്‌ഥാന്‍, അര്‍ജന്റീന, ബ്രസീല്‍, ഈജിപ്‌ത്‌, എത്യോപ്യ, ഇേന്താനീഷ്യ, ലബനന്‍, പാകിസ്‌താന്‍, ദക്ഷിണാഫ്രിക്ക, തുര്‍ക്കി, വിയറ്റ്‌നാം, യു.എ.ഇ. എന്നീ രാജ്യങ്ങളിലേക്കുള്ള യാത്രയാണ്‌ വിലക്കിയിരിക്കുന്നത്‌.
