ടോക്കിയോ ഒളിംപിക്സ്; ഹോക്കിയിൽ തുടർച്ചയായ മൂന്നാം പരാജയം ഏറ്റുവാങ്ങി ഇന്ത്യൻ വനിതകൾ
ടോക്കിയോ ഒളിംപിക്സ് ഹോക്കിയിൽ ഇന്ത്യൻ വനിതകളുടെ പരാജയപരമ്പര തുടരുന്നു. ഒളിംപിക്സിൽ തുടർച്ചയായ മൂന്നാം തോൽവിയാണ് ഇന്ത്യ നേരിട്ടത്. പൂൾ എ യിൽ ഇന്ന് നടന്ന മത്സരത്തിൽ ബ്രിട്ടനാണ് ഇന്ത്യയെ പരാജയപ്പെടുത്തിയത്.
An inspiring display from #TeamIndia, but we go down fighting against Great Britain.
We will come back stronger. #GBRvIND #HaiTayyar #IndiaKaGame #Tokyo2020 #TokyoTogether #Cheer4India #StrongerTogether #HockeyInvites #WeAreTeamIndia #Hockey pic.twitter.com/eCPg7XyqEA
— Hockey India (@TheHockeyIndia) July 28, 2021
ഇന്ത്യയെ ഒന്നിനെതിരെ നാല് ഗോളുകൾക്കാണ് ബ്രിട്ടൺ പരാജയപ്പെടുത്തിയത്. ബ്രിട്ടണിന്റെ മികച്ച പ്രകടനത്തിന് മുൻപിൽ പിടിച്ചു നില്ക്കാൻ റാണി രാംപാലിനും സംഘത്തിനും കഴിഞ്ഞില്ല. ബ്രിട്ടന് വേണ്ടി ഹന്നാ മാർട്ടിൻ ഇരട്ടൽഗോളുകൾ നേടിയപ്പോൾ ലില്ലി ഔസ്ലി, ഗ്രേസ് ബാൽസ്ഡാൻ എന്നിവർ ഓരോ ഗോളുകൾ നേടി. ശർമിള ദേവിയാണ് ഇന്ത്യയുടെ ആശ്വാസ ഗോൾ നേടിയത്. പൂൾ എയിൽ ഇന്ത്യ അവസാന സ്ഥാനത്താണ്. നേരത്തെ ജർമനിയോടും നെതർലാൻഡിനോടും ഇന്ത്യ പരാജയപ്പെട്ടിരുന്നു. അടുത്ത മത്സരത്തിൽ അയർലന്റാണ് ഇന്ത്യയുടെ എതിരാളി.