ലോക്ക് ഡൗൺ ലംഘിച്ചെന്ന ആരോപണം; രമ്യ ഹരിദാസിനെതിരെയും കേസെടുക്കണമെന്ന് പരാതിക്കാരൻ
Jul 27, 2021, 13:57 IST
പാലക്കാട്: വാരാന്ത്യ ലോക്ഡൗണ് ലംഘിച്ച് കോണ്ഗ്രസ് നേതാക്കൾ ഹോട്ടലിൽ കയറിയ സംഭവത്തിൽ ആലത്തൂർ എംപി രമ്യാ ഹരിദാസിനെതിരേയും കേസെടുക്കണമെന്ന് പരാതിക്കാരൻ. എംപിക്കെതിരേ കേസെടുക്കുക്കാൻ പോലീസ് തയ്യാറായില്ലെങ്കിൽ കോടതിയെ സമീപിക്കുമെന്ന് പരാതിക്കാരൻ സനൂപ് അറിയിച്ചു. സംഭവത്തിൽ നേരത്തെ മുൻ എംഎൽഎ വി.ടി.ബൽറാം അടക്കം ആറ് കോണ്ഗ്രസ് നേതാക്കൾക്കെതിരേ പോലീസ് കേസ് രജിസ്റ്റർ ചെയ്തിരുന്നു. കൈയേറ്റം ചെയ്യൽ, വധഭീഷണി എന്നീ വകുപ്പുകളാണ് ഇവർക്കെതിരേ ചുമത്തിയിരിക്കുന്നത്. പാലക്കാട് കസബ പോലീസാണ് നടപടി സ്വീകരിച്ചത്.