കടൽക്ഷോഭം; ചെല്ലാനം നിവാസികൾ പ്രക്ഷോഭത്തിലേക്ക്, തീരദേശ പാത ഉപരോധിച്ചു
കൊച്ചി: കടൽക്ഷോഭം മൂലം വര്ഷങ്ങളായി ദുരിതം അനുഭവിക്കുന്ന ചെല്ലാനം നിവാസികൾ പ്രക്ഷോഭത്തിലേക്ക് നീങ്ങുന്നു. ഇതിന്റെ മുന്നോടിയായി രാവിലെ തീരദേശ പാത പ്രദേശവാസികൾ ഉപരോധിച്ചു. കടൽക്ഷേഭം ശാശ്വതമായി പരിഹരിക്കണമെന്നും വീടും സ്വത്തുക്കളും നഷ്ടമായവർക്ക് അർഹമായ നഷ്ടപരിഹാരം ലഭിക്കണമെന്നുമാണ് പ്രതിഷേധക്കാരുടെ ആവശ്യം.സ്ത്രീകളും കുട്ടികളും ഉൾപ്പടെയുള്ളവർ റോഡിൽ കുത്തിയിരുന്ന് പ്രതിഷേധിച്ചതോടെ മണിക്കൂറുകളോളം ഗതാഗതം സ്തംഭിച്ചു. സ്ഥലത്ത് വൻ പോലീസ് സംഘവും തമ്പടിച്ചിരുന്നു. ഒരു മണിക്കൂറോളം ഉപരോധ സമരം പിന്നിട്ടതോടെ പോലീസ് പ്രതിഷേധക്കാരെ അറസ്റ്റ് ചെയ്തു നീക്കി.