കനത്ത മഴ;മംഗളുരു – ഗോവ പാസഞ്ചർ ട്രെയിൻ പാളം തെറ്റി
Jul 24, 2021, 16:14 IST
ബെംഗളുരു: കനത്ത മഴയെ തുടർന്ന് കർണാടകയിലെ താഴ്ന്ന ഭാഗങ്ങളെല്ലാം വെള്ളത്തിനടിയിൽ . ഏഴു ജില്ലകളില് റെഡ് അലര്ട്ട് പ്രഖ്യാപിച്ചു. ഇതിനിടെ മംഗളുരു – ഗോവ പാസഞ്ചർ ട്രെയിൻ പാളം തെറ്റി.
ഗോവയിലെ ദൂദ്സാഗർ – സൊനാലിയത്തിനുമിടയിലാണ് ട്രെയിൻ പാളം തെറ്റിയത്. അപകടത്തിൽപ്പെട്ട കോച്ചിലെ യാത്രക്കാരെ മറ്റൊരു കോച്ചിലേക്ക് മാറ്റി ട്രെയിൻ കുലേമിലേക്ക് എത്തിച്ചു.
ശക്തമായ മഴയെ തുടർന്ന് കർണാടകയിലെ ഉഡുപ്പി, ഉത്തര കന്നഡ, ദക്ഷിണ കന്നഡ, സൗത്ത് കന്നഡ, ചിക്കമംഗളൂരു, ഹസന്, കൊഡഗ്, ശിവമോഗ ജില്ലകളിലാണ് റെഡ് അലര്ട്ട് പ്രഖ്യാപിച്ചത്.