“ഒരു രാജ്യം ഒറ്റ തെരഞ്ഞെടുപ്പ്’ നടപ്പാക്കും; നരേന്ദ്ര മോദി
ന്യൂഡല്‍ഹി: “ഒരു രാജ്യം ഒരു തെരഞ്ഞെടുപ്പ്’ എന്ന ആശയം നടപ്പാക്കുമെന്നും മോദി സൂചന നൽകി. ചിലർക്കൊക്കെ ഈ ആശയത്തോട് കടുത്ത എതിർപ്പുണ്ടാകും എന്നാൽ അത് നടപ്പിലാക്കേണ്ട സുപ്രധാന കാര്യമാണ്- മോദി പറഞ്ഞു. ജനങ്ങൾക്ക് ഇപ്പോൾ കാര്യങ്ങൾ വ്യക്തമായി മനസിലാകുന്നുണ്ട്. അവർ രാജ്യസഭയില കാര്യങ്ങൾ മാത്രമല്ല ഇപ്പോൾ ശ്രദ്ധിക്കുന്നത്. ലോക്സഭയിലെ കാര്യങ്ങളും ശ്രദ്ധിക്കുന്നുണ്ട്. ഇതെല്ലാം മനസിലാക്കി തന്നെയാണ് അവർ ഇത്തവണ വോട്ട് ചെയ്തതതെന്നും അദ്ദേഹം കൂട്ടിച്ചേർത്തു.
ജനാധിപത്യത്തിന്‍റെ നേരടയാളമായ തെരഞ്ഞെടുപ്പ് പ്രക്രിയയ്ക്കു വേണ്ടിവരുന്ന ഭീമമായ ചെലവ് ഇന്ത്യയെപ്പോലെ ഒരു വികസ്വര രാജ്യത്തിനു താങ്ങാൻ കഴിയുന്നതുമല്ല. യുഎസ് അടക്കമുള്ള ജനാധിപത്യ രാജ്യങ്ങളെക്കാൾ വളരെ വലുതാണ് തെരഞ്ഞെടുപ്പുകൾക്കു വേണ്ടിയുള്ള ഇന്ത്യയുടെ ബജറ്റ് വിഹിതം. ത്രിതല പഞ്ചായത്ത് തെരഞ്ഞെടുപ്പുകൾ, നിയമസഭാ തെരഞ്ഞെടുപ്പ്, ലോക്സഭാ തെരഞ്ഞെടുപ്പ് എന്നിവയാണു പൊതുജനങ്ങൾ നേരിട്ടു ബന്ധപ്പെടുന്ന വോട്ടെടുപ്പുകൾ. അതിനു വേണ്ടി വരുന്ന പണച്ചെലവും സമയനഷ്ടവും വളരെ വലുതാണെന്ന ബോധ്യമാണ് ഒരു രാജ്യം, ഒരു തെരഞ്ഞെടുപ്പ് എന്ന നടപടിയിലേക്കു കേന്ദ്ര സർക്കാരിനെ നയിക്കുന്നത്. നടപ്പാക്കാൻ കഴിഞ്ഞാൽ വിപ്ലവകരമായ തീരുമാനമായിരിക്കും അതെന്ന കാര്യത്തിൽ സംശയമില്ല. മോദി പറഞ്ഞു