അനന്യയുടെ മരണം; യുവജന കമ്മീഷന് സ്വമേധയാ കേസെടുത്തു
തിരുവനന്തപുരം: ട്രാന്സ്ജെന്റര് ആക്ടിവിസ്റ്റ് അനന്യ കുമാരിയുടെ മരണത്തില് സംസ്ഥാന യുവജന കമ്മീഷന് സ്വമേധയാ കേസെടുത്തു. കൊച്ചിയിലെ സ്വകാര്യ ആശുപത്രിയില് ലിംഗമാറ്റ ശസ്ത്രക്രിയക്ക് വിധേയയായതിനെ തുടര്ന്ന് ഗുരുതരമായ ആരോഗ്യപ്രശ്നങ്ങള് തനിക്ക് നേരിടേണ്ടി വന്നതായി അനന്യ സാമൂഹ്യമാധ്യമങ്ങളിലൂടെ പറഞ്ഞിരുന്നതായി റിപ്പോര്ട്ടുകള് പുറത്തു വന്നിരുന്നു. വിഷയത്തില് ജില്ലാ പോലീസ് മേധാവിയോട് സമഗ്രമായ റിപ്പോര്ട്ട് അടിയന്തരമായി നല്കാനും യുവജന കമ്മീഷന് ആവശ്യപ്പെട്ടു. അതേസമയം, അതേസമയം, അനന്യ കുമാരി അലക്സിന്റെ പോസ്റ്റുമോർട്ടം പൂർത്തിയായി. ആത്മഹത്യ തന്നെയെന്ന് സ്ഥിരീകരിക്കുന്നതാണ് ഇപ്പോൾ പുറത്ത് വന്നിരിക്കുന്ന പ്രാഥമിക റിപ്പോർട്ട്. കളമശേരി മെഡിക്കൽ കോളേജ് ആശുപത്രിയിൽ രണ്ട് ഡോക്ടർമാരുടെ പ്രത്യേക സംഘമാണ് പോസ്റ്റുമോർട്ടം നടത്തിയത്. ഒരു വർഷം മുൻപ് നടത്തിയ ലിംഗമാറ്റ ശസ്ത്രക്രിയയിൽ പിഴവുകൾ സംഭവിച്ചിട്ടുണ്ടോ എന്നറിയാൻ ചികിൽസാ രേഖകൾ കൂടി പരിശോധിക്കണമെന്ന് പോലീസ് അറിയിച്ചു.ട്രാൻസ്ജെൻഡർ സമൂഹത്തിന്റെ നേതൃത്വത്തിൽ ആലുവയിൽ പൊതുദർശനം ഒരുക്കിയിട്ടുണ്ട്. അതിന് ശേഷം അനന്യയുടെ മൃതദേഹം സ്വദേശമായ കൊല്ലത്തേക്ക് കൊണ്ടുപോകും.