ഓഗസ്റ്റ് 4ന് അവസാനിക്കുന്ന പിഎസ്സി റാങ്ക് പട്ടികകളുടെ കാലാവധി നീട്ടില്ലെന്ന് മുഖ്യമന്ത്രി; ഉദ്യോഗാർഥികളെ നോക്കി സർക്കാർ കൊഞ്ഞനം കുത്തുകയാണെന്ന് പ്രതിപക്ഷ നേതാവ്
Jul 22, 2021, 14:20 IST
തിരുവനന്തപുരം: ഓഗസ്റ്റ് നാലിന് കാലാവധി തീരുന്ന പിഎസ്സി റാങ്ക് പട്ടികകളുടെ കാലാവധി നീട്ടില്ലെന്ന് മുഖ്യമന്ത്രി പിണറായി വിജയൻ. നിയമസഭയിലാണ് അദ്ദേഹം ഇക്കാര്യം വ്യക്തമാക്കിയത്. 493 പട്ടികകളുടെ കാലാവധിയാണ് ഓഗസ്റ്റ് നാലിന് അവസാനിക്കുന്നത്. അതേസമയം, സമരം ചെയ്ത ഉദ്യോഗാർഥികൾക്ക് നൽകിയ വാഗ്ദാനങ്ങൾ സർക്കാർ പാലിച്ചില്ലെന്ന് പ്രതിപക്ഷ നേതാവ് വിഡി സതീശൻ ആരോപിച്ചു. ഉദ്യോഗാർഥികളെ നോക്കി സർക്കാർ കൊഞ്ഞനം കുത്തുകയാണെന്നും അദ്ദേഹം പറഞ്ഞു.