കേന്ദ്ര മംന്ത്രി സ്മൃതി ഇറാനിക്കെതിരെ അപകീർത്തികരമായ പരാമർശം: പ്രെഫസർ അറസ്റ്റിൽ
ഫിറോസാബാദ്: കേന്ദ്ര മന്ത്രി സ്മൃതി ഇറാനിക്കെതിരെ ഫേസ്ബുക്കിൽ അപകീർത്തികരമായ പരാമർശം നടത്തിയ സംഭവത്തിൽ പ്രെഫസർ കോടതിയിൽ കീഴടങ്ങി. എസ്ആർകെ കോളജ് ചരിത്രവിഭാഗം മേധാവിയായ പ്രൊഫ. ശഹര്യാര് അലിയാണ് അഡീഷണല് സെഷന്സ് ജഡ്ജി അനുരാഗ് കുമാറിന് മുമ്പാകെ കീഴടങ്ങിയത്. അതേസമയം, പ്രതി സമർപ്പിച്ച ജാമ്യാപേക്ഷ തള്ളിയ കോടതി പ്രതിയെ 14 ദിവസത്തേക്ക് ജുഡീഷ്യൽ കസ്റ്റഡിയിൽ റിമാൻഡ് ചെയ്തു. കഴിഞ്ഞ മാർച്ചിലാണ് അലിക്കെതിരെ ഫിറോസാബാദ് പോലീസ് കേസെടുത്തത്. അറസ്റ്റില് നിന്ന് സംരക്ഷണം നല്കണമെന്നാവശ്യപ്പെട്ടുകൊണ്ട് ശഹര്യാര് അലി നല്കിയ ഹര്ജി സുപ്രീം കോടതി തള്ളിയിരുന്നു. അലഹബാദ് ഹൈക്കോടതിയില് പ്രൊഫസര് സമര്പ്പിച്ച മുന്കൂര് ജാമ്യാപേക്ഷയും കോടതി നേരത്തെ തള്ളിയിരുന്നു. അതേസമയം, കേസെടുത്തതിന് പിന്നാലെ അലിയെ എസ്ആര്കെ കോളേജില് നിന്ന് സസ്പെന്ഡ് ചെയ്തിരുന്നു.