വനിത ഡോക്ടറുടെ ശരീരത്തിൽ ഒരേ സമയം കോവിഡിന്റെ രണ്ടു വകഭേദങ്ങൾ; പരിശോധനയിൽ കണ്ടെത്തിയത് ആൽഫ, ഡെൽറ്റ വകഭേദങ്ങൾ
Jul 20, 2021, 15:27 IST
ദിസ്പുർ: അസമിലെ വനിത ഡോക്ടർക്ക് ഒരേ സമയം കോവിഡിന്റെ രണ്ടു വകഭേദങ്ങൾ സ്ഥിരീകരിച്ചതായി റിപ്പോർട്ട്. കോവിഡ് പ്രതിരോധ വാക്സിന്റെ രണ്ടു ഡോസുകളും സ്വീകരിച്ച ഡോക്ടറുടെ ശരീരത്തിലാണ് ഡെറാഡൂണിലെ റീജ്യണൽ മെഡിക്കൽ റിസർച്ച് സെന്ററിൽ നടത്തിയ പരിശോധനയിൽ ആൽഫ, ഡെൽറ്റ വകഭേദങ്ങൾ കണ്ടെത്തിയിരിക്കുന്നതെന്നാണ് റിപ്പോർട്ട്. ചെറിയ രോഗലക്ഷണങ്ങൾ കണ്ടെത്തിയതിനെ തുടർന്ന് ഡോക്ടർ പരിശോധനക്ക് വിധേയമാകുകയായിരുന്നു. വീട്ടിൽ തന്നെ നിരീക്ഷണത്തിൽ കഴിഞ്ഞ അവർ രോഗമുക്തി നേടുകയതായാണ് അധികൃതർ പറഞ്ഞത്.