ഇരവിപുരത്ത് യുവാവിനെ വെട്ടിക്കൊലപ്പെടുത്താൻ ശ്രമിച്ച കേസിലെ പ്രതി അറസ്റ്റിൽ
കൊല്ലം: ഇരവിപുരത്ത് യുവാവിനെ വെട്ടിക്കൊലപ്പെടുത്താൻ ശ്രമിച്ച കേസിലെ പ്രതി അറസ്റ്റിൽ. വടക്കേവിള ശ്രീനാരായണപുരം ഉദയ ശ്രീനഗർ, ഉണ്ണി നിവാസിൽ അപ്സര കണ്ണൻ എന്ന കണ്ണൻ (29) ആണ് ഇരവിപുരം പോലീസിന്റെ പിടിയിലായത്. കഴിഞ്ഞ പതിനഞ്ചിന് രാത്രിയാണ് കേസിനാസ്പദമായ സംഭവം. ഒമ്പതുമണിയോടെ ശ്രീനാരായണപുരം ജങ്ഷന് തെക്കുവശം വാളുമായെത്തിയ പ്രതി സുഹൃത്തുക്കളോടൊപ്പം സംസാരിച്ചുകൊണ്ടു നിൽക്കുകയായിരുന്ന പുന്തലത്താഴം ശിവാനഗർ സ്വദേശി അരുൺ അജി (26)യെ വാൾകൊണ്ട് വെട്ടിക്കൊലപ്പെടുത്താൻ ശ്രമിക്കുകയായിരുന്നു.ഇയാളൊടൊപ്പമുണ്ടായിരുന്ന സുഹൃത്ത് വിനുവിനെയും വെട്ടിപ്പരിക്കേൽപിച്ചു. മുൻ വിരോധമാണ് ആക്രമണത്തിന് കാരണമായതെന്ന് പൊലീസ് പറഞ്ഞു. ഇരവിപുരം എസ്.എച്ച്.ഒ അനിൽകുമാർ, എസ്.ഐ അരുൺ ഷാ, ദീപു, ഷിബു പീറ്റർ, എ.എസ്.ഐ ഷാജി, സി.പി.ഒ മനാഫ്, അഭിലാഷ് എന്നിവരടങ്ങിയ സംഘമാണ് പ്രതിയെ പിടികൂടിയത്.