സുധാകരന് പിന്തുണയായി 5 പേർ ; സിപിഎം അന്വേഷണ കമ്മീഷനെ സ്വാഗതം ചെയ്തു 35 പേർ
അമ്പലപ്പുഴ: സിപിഎം അന്വേഷണ കമ്മീഷന് ജൂലൈ 25ന് ആലപ്പുഴയിലെത്തും. അമ്പലപ്പുഴ മണ്ഡലത്തിലെ തെരഞ്ഞെടുപ്പിലെ പ്രവര്ത്തന വീഴ്ചയെ കുറിച്ച് അന്വേഷിക്കാനായി എളമരം കരീം, കെ.ജെ.തോമസ് എന്നിവരടങ്ങുന്ന രണ്ടംഗ കമ്മീഷനാണു എത്തുന്നത്.
ഇന്ന് നടന്ന ജില്ലാ കമ്മിറ്റിയില് സംസ്ഥാന സമിതിയുടെ തീരുമാനം ചര്ച്ച ചെയ്തപ്പോൾ ജി. സുധാകരന് പ്രതികരിച്ചില്ല. ജില്ലാ കമ്മിറ്റിയിൽ സുധാകരനെ പിന്തുണച്ചത് 5 പേർ മാത്രമാണ് .എന്നാൽ അന്വേഷണ കമ്മീഷനെ സ്വാഗതം ചെയ്തത് 35 പേരും .
അമ്പലപ്പുഴയിലെ തെരഞ്ഞെടുപ്പ് വീഴ്ചയെ സംബന്ധിച്ച് അന്വേഷിക്കാന് തീരുമാനിച്ചത് ഈ മാസം ആദ്യം ചേര്ന്ന സിപിഎമ്മിന്റെ സംസ്ഥാന സമിതിയാണ്. സംസ്ഥാന സമിതി അംഗീകരിച്ച തെരഞ്ഞെടുപ്പ് അവലോകന റിപ്പോര്ട്ടില് സുധാകരനെതിരെ വിമര്ശനമുണ്ടായിരുന്നു.ഇതിനു പിന്നാലെ ആണ് രണ്ടംഗ അന്വേഷണ കമ്മീഷനെ നിയമിച്ചത്.