ഓക്സിജന്‍ കോണ്‍സെന്‍ട്രേറ്റര്‍ പൊട്ടിത്തെറിച്ച് യുവതിക്ക് ദാരുണാന്ത്യം: ഭര്‍ത്താവ് ഗുരുതരാവസ്ഥയില്‍
ജയ്പൂര്‍ : ഗംഗാപൂരിലെ ഉദയ്മോറിൽ ഓക്സിജന്‍ കോണ്‍സെന്‍ട്രേറ്റര്‍ പൊട്ടിത്തെറിച്ച് യുവതിക്ക് ദാരുണാന്ത്യം. അപകടത്തില്‍ പരിക്കേറ്റ യുവതിയുടെ ഭർത്താവ് ഗുരുതരാവസ്ഥയിൽ ആശുപത്രിയിലാണ്. സന്തോഷ് മീണ എന്ന യുവതിയാണ് അപകടത്തിൽ മരിച്ചത്. ഭർത്താവ് സുല്‍ത്താന്‍ സിങ്ങിന് കോവിഡ് ബാധിച്ച് ശ്വാസതടസം അനുഭവപ്പെട്ടതിനെ തുടര്‍ന്നാണ് ഇവർ ഓക്സിജന്‍ കോണ്‍സെന്‍ട്രേറ്റര്‍ ഉപയോഗിച്ച്‌ തുടങ്ങിയത്. ശനിയാഴ്ച രാവിലെ മീണ ലൈറ്റ് ഓണ്‍ ചെയ്തതും ഓക്സിജന്‍ കോണ്‍സെന്‍ട്രേറ്റര്‍ പൊട്ടിത്തെറിക്കുകയായിരുന്നു. ഇരുവരെയും ആശുപത്രിയിലേക്ക് കൊണ്ടുപോകുന്ന വഴിയാണ് മീണ മരിച്ചത്. ജയ്പൂരില്‍ വിദഗ്ധ ചികിത്സക്കായി കൊണ്ടുപോയ സുല്‍ത്താന്‍ സിങ്ങിന്‍റെ ആരോഗ്യനില ഗുരുതരമായി തുടരുകയാണ്.പ്രാഥമിക പരിശോധനയില്‍ ഉപകരണത്തിന്‍റെ കംപ്രസര്‍ പൊട്ടിത്തെറിച്ചതായാണ് കണ്ടെത്തിയത്. കേസ് രജിസ്റ്റര്‍ ചെയ്ത പൊലീസ് ഓക്സിജന്‍ കോണ്‍സെന്‍ട്രേറ്റര്‍ വിതരണം ചെയ്ത കടക്കാരനെ ചോദ്യം ചെയതു
