യു.എ.ഇ ഗോൾഡൻ വിസക്ക് 400 പേർ അർഹത നേടി
ദുബൈ: യു.എ.ഇയിൽ നിക്ഷേപം നടത്തുന്നവർക്കും, പ്രഫഷനലുകൾക്കും പ്രതിഭകൾക്കും രാജ്യത്ത് സ്ഥിരതാമസത്തിന് അനുമതി നൽകുന്ന ഗോൾഡൻ വിസക്ക് 400 പേർ ഇതിനകം അർഹത നേടിയതായി ജനറൽ ഡയറക്ടറേറ്റ് ഒഫ് റെസിഡൻസി ആൻറ് ഫോറിനേഴ്സ് അഫയേഴ്സ് (ജി.ഡി.ആർ.എഫ്.എ) ദുബൈ ഡയറക്ടർ ജനറൽ മേജർ ജനറൽ മുഹമ്മദ് അൽ മറി വാർത്താ സമ്മേളനത്തിൽ വ്യക്തമാക്കി.
യു.എ.ഇയിൽ 100 ബില്യനിലേറെ നിക്ഷേപമുള്ള വ്യവസായികൾ, റിയൽ എസ്റ്റേറ്റ് സംരംഭകർ, മെഡിക്കൽ പ്രഫഷനലുകൾ, ശാസ്ത്രജ്ഞർ എന്നിങ്ങനെ 6800 പേർക്കാണ് ആദ്യഘട്ടത്തിൽ ഗോൾഡ് കാർഡ് നൽകുക. ശാസ്ത്രജ്ഞർ, അംഗീകൃത പേറ്റൻറ് ഉള്ള നൂതന ആശയങ്ങൾ കണ്ടു പിടിച്ചവർ എന്നിവർക്ക് യു.എ.ഇയുടെ പുറത്തു നിന്നും ഗോൾഡ് കാർഡിന് അപേക്ഷിക്കാമെന്ന് മേജർ ജനറൽ അൽ മറി പറഞ്ഞു.