Times Kerala

കൂളിമാട് റോഡ് പുനരുദ്ധാരണത്തിന് 3.9 കോടി

 
കൂളിമാട് റോഡ് പുനരുദ്ധാരണത്തിന് 3.9 കോടി

കോഴിക്കോട്: പാഴൂർ-കൂളിമാട് റോഡിൽ കൂളിമാട് ഭാഗം ഉയർത്തി പുനർനിർമിക്കുന്നതിന് 3.9 കോടി രൂപയുടെ ഭരണാനുമതി ലഭ്യമാക്കിയതായി പി.ടി.എ റഹീം എം.എൽ.എ അറിയിച്ചു. കൂളിമാട് വയൽ ഭാഗത്തെ സ്ഥലമെടുപ്പ് ഉൾപ്പെടെയുള്ള പ്രവൃത്തികൾക്കായാണ് ഈ തുക അനുവദിച്ചിട്ടുള്ളത്. സ്ഥലമെടുപ്പ് പൂർത്തീകരിച്ച് പ്രവൃത്തി ആരംഭിക്കാൻ അടിയന്തര നടപടികൾ സ്വീകരിക്കുന്നതിന് ബന്ധപ്പെട്ടവർക്ക് നിർദേശം നൽകിയതായി എം.എൽ.എ പറഞ്ഞു.

പാഴൂർ കൂളിമാട് ഭാഗം പരിഷ്കരണത്തിന് നേരത്തെ അനുവദിച്ചിരുന്ന 4 കോടി രൂപയുടെ പ്രവൃത്തികൾ പൂർത്തീകരിച്ചു കഴിഞ്ഞിട്ടുണ്ട്. കൂളിമാട് വയൽ ഭാഗത്ത് റോഡ് ഉയർത്താത്തത് കാരണം മഴക്കാലത്ത് ഈ പ്രദേശം മുങ്ങിപ്പോകുന്നതായി ഈ പദ്ധതിയുടെ ഉദ്ഘാടന വേളയിൽ എം.എൽ.എയും നാട്ടുകാരും പൊതുമരാമത്ത് വകുപ്പ് മന്ത്രിയുടെ ശ്രദ്ധയിൽ പെടുത്തിയിരുന്നു. ഇതു പരിഹരിക്കാൻ പ്രത്യേക പദ്ധതി തയ്യാറാക്കി സമർപ്പിക്കാൻ ബന്ധപ്പെട്ട ഉദ്യോഗസ്ഥർക്ക് മന്ത്രി ഉടൻ തന്നെ നിർദ്ദേശം നൽകുകയായിരുന്നു.

Related Topics

Share this story