ഏത്യോപ്യയിൽ പ്രവിശ്യാ പ്രസിഡന്‍റും സൈനിക മേധാവിയും അടക്കം നാലു പേർ കൊല്ലപ്പെട്ടു
ആഡിസ് അബാബ: വടക്കൻ ഏത്യോപ്യയിൽ പ്രവിശ്യാ പ്രസിഡന്‍റും സൈനിക മേധാവിയും അടക്കം നാലു പേർ കൊല്ലപ്പെട്ടു. അംഹാര സ്വയംഭരണ പ്രവിശ്യാസർക്കാരിനെ അട്ടിമറിക്കാൻ നടന്ന ശ്രമത്തിനിടെയാണ് മരണം.
അംഹാരൻ തലസ്ഥാനമായ ബാഹിർദാറിൽ ശനിയാഴ്ച വൈകിട്ട് നടന്ന ആക്രമണത്തിൽ പ്രവിശ്യാ പ്രസിഡന്‍റ് അംബാച്യൂ മെകോന്നെൻ, അദ്ദേഹത്തിന്‍റെ ഉപദേഷ്ടാവ് എന്നിവർ കൊല്ലപ്പെട്ടു. മണിക്കൂറുകൾക്കകം രാജ്യ തലസ്ഥാനമായ ആഡിസ് അബാബയിലുണ്ടായ മറ്റൊരാക്രമണത്തിൽ സായുധസേനാ ചീഫ് ഓഫ് സ്റ്റാഫ് സീറെ മെകോന്നെനും ഒരു റിട്ട. ബ്രിഗേഡിയറും കൊല്ലപ്പെട്ടു. രണ്ട് ആക്രമണങ്ങളും തമ്മിലുള്ള ബന്ധം വ്യക്തമല്ല.
