ഇറാന് എതിരേ അമേരിക്കയുടെ പുതിയ ഉപരോധം ഇന്നുമുതൽ
Jun 24, 2019, 09:09 IST
വാഷിംഗ്ടൺ ഡിസി: ഇറാന് എതിരേ അമേരിക്കയുടെ പുതിയ ഉപരോധം ഇന്നുമുതൽ പ്രാബല്യത്തിൽ വരും. ഇറാന് എതിരേയുള്ള ആക്രമണം നടത്താൻ ഉത്തരവിട്ടശേഷം പിന്മാറിയ അമേരിക്കയുടെ നടപടി ദൗർബല്യമായി കാണരുതെന്നു യുഎസ് ദേശീയ സുരക്ഷാ ഉപദേഷ്ടാവ് ജോൺ ബോൾട്ടൻ പറഞ്ഞു. തങ്ങൾക്ക് എതിരേ ആക്രമണത്തിനു തുനിയരുതെന്ന് ടെഹ്റാൻ വീണ്ടും മുന്നറിയിപ്പു നൽകി. സൈനിക നടപടിയുണ്ടായാൽ ഗൾഫ് മുഴുവനിലേക്കും അതു പടരുമെന്നും ഇറാൻ ഓർമിപ്പിച്ചു.
