ബന്ധുവിനോടൊപ്പം സഞ്ചരിക്കവെ ബൈക്കില് നിന്ന് വീണ് യുവതി മരിച്ചു
Jun 19, 2021, 11:25 IST
കാട്ടാക്കട: ബന്ധുവിനോടൊപ്പം സഞ്ചരിക്കവെ ബൈക്കില് നിന്ന് വീണ് യുവതി മരിച്ചു. വെളിയന്നൂര് ചൈത്രശ്രീയില് സുനില് കുമാറിന്റെ ഭാര്യ സൗമ്യ (36) ആണ് മരിച്ചത്.വെള്ളിയാഴ്ച വൈകുന്നേരം 4.30 ഓടെയാണ് സംഭവം . വെള്ളനാട് നാലുമുക്കിന് സമീപമാണ് അപകടം നടന്നത്. പാങ്ങോട് പട്ടാള ക്യാന്പിലെ കാന്റീനിലെ ജീവനക്കാരിയായ സൗമ്യ ബന്ധുവിനൊപ്പം വീട്ടിലേക്ക് ബൈക്കില് വരുന്നതിനിടെ പിന്സീറ്റില് നിന്ന് റോഡിലേക്ക് തലയടിച്ച് വീഴുകയായിരുന്നു. ഉടന് മെഡിക്കല് കോളജ് ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല .