കോവിഡ് ബാധിച്ച് കവിയും ഗാനരചയിതാവുമായ എസ് രമേശന് നായര് അന്തരിച്ചു
Jun 18, 2021, 18:54 IST
കൊച്ചി: കവിയും ഗാനരചയിതാവുമായ എസ് രമേശന് നായര് (73) കോവിഡ് ബാധിച്ച് മരിച്ചു. കോവിഡ് ബാധിച്ച് കൊച്ചിയിലെ സ്വകാര്യ ആശുപത്രിയിൽ ചികിത്സയിലിരിക്കവെയായിരുന്നു അന്ത്യം. 1985-ല് പുറത്തിറങ്ങിയ പത്താമുദയം എന്ന സിനിമയിലെ ഗാനങ്ങള് രചിച്ചുകൊണ്ടാണ് മലയാളചലച്ചിത്ര രംഗത്തേക്കുള്ള രമേശന് നായരുടെ പ്രവേശനം. ഗുരുപൗര്ണ്ണമി എന്ന കാവ്യ സമാഹാരത്തിനു 2018 ലെ കേന്ദ്ര സാഹിത്യ അക്കാദമി പുരസ്കാരം രമേശന് നായര്ക്ക് ലഭിച്ചിട്ടുണ്ട്. ഇതുകൂടാതെ 2010-ലെ കേരളസാഹിത്യ അക്കാദമിയുടെ സമഗ്രസംഭാവനയ്ക്കുള്ള പുരസ്കാരവും, ആറാം വെണ്ണിക്കുളം സ്മാരക പുരസ്കാരവും, ആശാന് പുരസ്കാരവും രമേശന് നായര്ക്ക് ലഭിച്ചിട്ടുണ്ട്.