തിരുവനന്തപുരം തൃശൂർ ജില്ലകളിൽ കോവിഡ് രോഗികളുടെ എണ്ണം ഇനിയും ഉയർന്നേക്കും; മുഖ്യമന്ത്രി
Jun 15, 2021, 21:16 IST
തിരുവനന്തപുരം: തിരുവനന്തപുരം തൃശൂർ ജില്ലകളിൽ കോവിഡ് രോഗികളുടെ എണ്ണം ഇനിയും ഉയരാൻ സാധ്യതയെന്ന് മുഖ്യമന്ത്രി പിണറായി വിജയൻ. നിലവിലെ രോഗവ്യാപനത്തോത് അനുസരിച്ച് അടുത്ത ആഴ്ചയിൽ തിരുവനന്തപുരം ജില്ലയിൽ ഒരു ദിവസത്തെ ശരാശരി കേസുകളുടെ എണ്ണത്തിൽ അഞ്ചു ശതമാനം വരെ വർധന ഉണ്ടാകുമെന്നാണ് കരുതുന്നത്. തൃശൂരിൽ ഒരു ശതമാനം വർധന ഉണ്ടാകും എന്നും വിലയിരുത്തുന്നതായി മുഖ്യമന്ത്രി പറഞ്ഞു. മറ്റു ജില്ലകളിലെല്ലാം കേസുകളുടെ എണ്ണം കുറയുമെന്നാണു പ്രതീക്ഷയെന്നും മുഖ്യമന്ത്രി പറഞ്ഞു.