ഔദ്യോഗിക രേഖകളില്ലാതെ പാകിസ്താനിൽ കഴിഞ്ഞ യുവതി അറസ്റ്റില്
Jun 12, 2021, 13:21 IST
ബംഗളൂരു: ഔദ്യോഗിക രേഖകളില്ലാതെ ഉത്തരകന്നട ഭട്കലില് കഴിയുകയായിരുന്ന പാകിസ്താന് യുവതിയെ പോലീസ് അറസ്റ്റ് ചെയ്തു. ഭട്കല് നവായത്ത് കോളനിയിലെ മുഹ്യുദ്ദീന് റുഖുദ്ദീന്റെ ഭാര്യ ഖദീജ മെഹ്റിന് (33) നെയാണ് പോലീസ് അറസ്റ്റ് ചെയ്തത്. ദമ്പതികൾ 2014ല് ദുബൈയില്വെച്ച് വിവാഹിതരായിരുന്നു. 2015ല് ഭര്ത്താവിനൊപ്പം യുവതി ടൂറിസ്റ്റ് വിസയില് ഇന്ത്യയിലേക്ക് കടക്കുകയായിരുന്നെന്ന് ഉത്തരകന്നട എസ്.പി ശിവപ്രകാശ് ദേവരാജു പറഞ്ഞു. ഇവർക്ക് 3 മക്കളുണ്ട്. യുവതി വ്യാജരേഖകള് ഹാജരാക്കി ആധാര് കാര്ഡ്, റേഷന് കാര്ഡ്, പാന് കാര്ഡ് അടക്കമുള്ളവ എടുത്തതായി കണ്ടെത്തി. പൊലീസിന് ലഭിച്ച രഹസ്യ വിവരത്തെത്തുടർന്ന് നടത്തിയ അന്വേഷണത്തിലാണ് യുവതിയെ പിടികൂടിയത്.