ഫ്രഞ്ച് ഓപ്പൺ ടെന്നീസ്; പവ്ല്യുചെങ്കോവ x ക്രസികോവ ഫൈനൽ പോരാട്ടം ഇന്ന്
ഫ്രഞ്ച് ഓപ്പൺ ടെന്നീസ് ടൂർണമെന്റിൽ വനിത വിഭാഗം സിംഗിൾസ് കിരീട പോരാട്ടം ഇന്ന്. റഷ്യൻ താരം അനസ്താനിയാ പവ്ല്യുചെങ്കോവയും ചെക്ക് താരം ബർബോറ ക്രസികോവയും തമ്മിലാണ് കിരീടപ്പോരാട്ടം. ഇന്ന് വൈകീട്ട് 6.30നാണ് മത്സരം ആരംഭിക്കുക. സെമി ഫൈനലിൽ പവ്ല്യുചെങ്കോവ സ്ലൊവേനിയൻ താരം തമറ സിഡാൻസെകിനെ പരാജയപ്പെടുത്തിയാണ് തന്റെ ആദ്യ ഗ്രാൻസ്ലാം ഫൈനലിൽ പ്രവേശിച്ചത്. നേരിട്ടുള്ള സെറ്റുകൾക്കായിരുന്നു പവ്ല്യുചെങ്കോവയുടെ ജയം. സ്കോർ 7-5, 6-3.
Never give up on your dreams
At 29-years-old, @NastiaPav is playing in a first Slam final after deciding to go all in and live with no regrets. It’s paying off #RolandGarros
— Roland-Garros (@rolandgarros) June 10, 2021
മരിയ ഷറപ്പോവയ്ക്ക് ശേഷം ആറു വർഷങ്ങൾക്കിപ്പുറം ഒരു ഗ്രാൻസ്ലാം ഫൈനൽ കളിക്കുന്ന റഷ്യൻ താരം കൂടിയാണ് പവ്ല്യുചെങ്കോവ. 2007 മുതൽ ഗ്രാൻസ്ലാം മത്സരങ്ങൾ കളിക്കാൻ തുടങ്ങിയ താരം തന്റെ 52 ആം മത്സരത്തിലാണ് ഒരു ഗ്രാൻസ്ലാം ഫൈനലിൽ പ്രവേശിക്കുന്നത്. മറ്റൊരു സെമിയിൽ ഗ്രീസ് താരം മരിയ സക്കറിയെ പരാജയപ്പെടുത്തിയാണ് ക്രസികോവ ഫൈനലിൽ കടന്നത്. ഒന്നിനെതിരെ രണ്ടു സെറ്റുകൾക്കാണ് ക്രസികോവ ജയിച്ചത്. സ്കോർ 7-5, 4-6, 9-7. പുതിയ ചാമ്പ്യനാരായിരിക്കുമെന്ന ആകാംക്ഷയിലാണ് ടെന്നീസ് ലോകം.