ബയോ വെപ്പണ് പരാമര്ശം : ആയിഷ സുല്ത്താനയ്ക്കെതിരെ രാജ്യദ്രോഹ കുറ്റം ചുമത്തി കേസെടുത്തു
കൊച്ചി: ലക്ഷദ്വീപ് സ്വദേശിയും സിനിമ പ്രവര്ത്തകയുമായ ആയിഷ സുല്ത്താനയ്ക്കെതിരെ കവരത്തി പൊലീസ് രാജ്യദ്രോഹ കുറ്റം ചുമത്തി കേസെടുത്തു. ബിജെപി ലക്ഷദ്വീപ് പ്രസിഡന്റ് സി.അബ്ദുല് ഖാദര് ഹാജിയുടെ പരാതിയുടെ അടിസ്ഥാനത്തിലാണ് കേസ് രജിസ്റ്റർ ചെയ്തത്. ലക്ഷദ്വീപ് അഡ്മിനിസ്ട്രേറ്റര് പ്രഫുല് കെ.പട്ടേലിനെ ജൈവായുധം അഥവാ ബയോവെപ്പണെന്ന് വിശേഷിപ്പിച്ച സംഭവത്തിലാണ് പരാതി. മറ്റ് രാജ്യങ്ങള്ക്ക് നേരെ ചൈന കൊറോണ വൈറസ് എന്ന ബയോവെപ്പണ് ഉപയോഗിച്ചത് പോലെയാണ് കേന്ദ്ര സര്ക്കാര് ലക്ഷദ്വീപിന് നേരെ പ്രഫുല് പട്ടേലെന്ന ബയോവെപ്പണ് പ്രയോഗിച്ചത് എന്നായിരുന്നു ആയിഷ സുല്ത്താന ഒരു മാധ്യമത്തിന് നല്കിയ അഭിമുഖത്തില് പരാമര്ശിച്ചത്. ഇത് വിവാദമായതോടെ രാജ്യത്തെയോ സര്ക്കാരിനെയോ അല്ല പ്രഫുല് പട്ടേലിനെ ഉദ്ദേശിച്ചാണ് താന് ആ പരാമര്ശം നടത്തിയതെന്ന് ആയിഷ സുല്ത്താന വ്യക്തമാക്കിയിരുന്നു.