chem

ആതിരയെ കാമുകൻ തീകൊളുത്തിയത് സോഷ്യല്‍ മീഡിയയില്‍ വീഡിയോ ചെയ്തതിന്; ചികിത്സയിലിരിക്കെ രണ്ടു കുട്ടികളുടെ അമ്മയായ യുവതിക്ക് ദാരുണാന്ത്യം; പൊള്ളലേറ്റ് ചികിത്സയിലുള്ള കാമുകനെതിരെ കേസ്

കൊല്ലം: അഞ്ചലിൽ കാമുകൻ തീകൊളുത്തി കൊല്ലാൻ ശ്രമിച്ചതിനെ തുടർന്ന് തിരുവനന്തപുരം മെഡിക്കൽ കോളേജിൽ ചികിത്സയിലായിരുന്ന യുവതി മരണത്തിന്‌ കീഴടങ്ങി. അഞ്ചല്‍ ഇടമുളക്കല്‍ തുമ്പി കുന്നില്‍ ഷാന്‍ മന്‍സിലില്‍ ആതിരയാണ് (28) മരിച്ചത്. തീകൊളുത്തിയ ഷാനവാസിനും പൊള്ളലേറ്റു. 40 ശതമാനം പൊള്ളലേറ്റ ഇയാൾ ആശുപത്രിയിൽ ചികിത്സയിലാണ്. കഴിഞ്ഞ ദിവസം രാത്രി 7 മണിയോടെ അഞ്ചല്‍ തുമ്പി കുന്നില്‍ ആതിരയുടെ വീട്ടില്‍ നിലവിളി ശബ്ദം കേട്ട് ഓടിയെത്തിയ നാട്ടുകാര്‍ കണ്ടത് ദേഹത്ത് തീപടര്‍ന്ന ആതിര വീട്ടില്‍ ഓടുന്ന കാഴ്ചയാണ്. ഒപ്പം താമസിച്ചു വന്ന യുവാവിനെയും പൊള്ളലേറ്റ നിലയില്‍ നാട്ടുരാര്‍ കണ്ടെത്തുകയായിരുന്നു. നാട്ടുകാരുടെ സഹായത്തോടെ അഞ്ചല്‍ പോലീസ് ഇരുവരെയും തിരുവനന്തപുരം മെഡിക്കല്‍ മെഡിക്കല്‍ കോളേജ് ആശുപത്രിയില്‍ പ്രവേശിപ്പിക്കുകയായിരുന്നു.

അതേസമയം, സോഷ്യല്‍ മീഡിയയില്‍ വീഡിയോ ചെയ്തതിനെ തുടര്‍ന്നുള്ള വഴക്കിനെത്തുടര്‍ന്ന് യുവാവ് ആതിരയുടെ ദേഹത്ത് മണ്ണണ്ണ ഒഴിച്ച് തീകൊളുത്തുകയായിരുന്നെന്ന് ചികിത്സയ്ക്കിടെ യുവതി ഡോക്ടറോടും ബന്ധുക്കളോടും വെളിപ്പെടുത്തിയതായി അഞ്ചല്‍ പൊലീസ് പറഞ്ഞു. മരണപ്പെട്ട ആതിരയുടെ വെളിപെടുത്തലിനെ തുടര്‍ന്ന് ഷാനവാസിനെതിരെ കേസെടുത്തു. ഇരുവരും കഴിഞ്ഞ രണ്ട് വര്‍ഷമായി ഒന്നിച്ചായിരുന്നു താമസം. ഇവര്‍ക്ക് 3 മാസം പ്രായമായ കുട്ടിയുണ്ട്. ആതിര വിവാഹിതയും രണ്ട് കുട്ടികളുടെ മാതാവുമാണ്. അദ്യ വിവാഹത്തില്‍ ഷാനവാസിനും രണ്ട് കുട്ടികളുണ്ട്. ഇവര്‍ വിവാഹതിരല്ലെന്ന് നാട്ടുകാരും ബന്ധുക്കളും പറയുന്നു. അഞ്ചല്‍ രശ സൈജു നാഥിന്റെ നേതൃത്യത്തിലുള്ള പൊലീസ് സംഘമാണ് അന്വേഷണം നടത്തുന്നത്.

You might also like
Leave A Reply

Your email address will not be published.