വിസ നിയമങ്ങള് ലംഘിച്ച 522 പ്രവാസികൾ അറസ്റ്റിൽ
Jun 21, 2019, 21:55 IST
കുവൈത്ത് സിറ്റി: വിസ നിയമങ്ങള് ലംഘിച്ച 522 പ്രവാസികളെ കുവൈത്ത് ആഭ്യന്തര മന്ത്രാലയം അധികൃതര് അറസ്റ്റ് ചെയ്തു.
കാലാവധി കഴിഞ്ഞ വിസ പുതുക്കാതിരിക്കുക, രേഖകള് കൈവശമില്ലാതിരിക്കുക, സ്പോണ്സര്മാരില് നിന്ന് ഒളിച്ചോടുക തുടങ്ങിയ നിയമലംഘനങ്ങളുടെ പേരിലാണ് വിവിധ രാജ്യങ്ങളില് നിന്നുള്ള പ്രവാസികള് പിടിയിലായത്.
ജനറല് സെക്യൂരിറ്റി വിഭാഗം അസിസ്റ്റന്റ് അണ്ടര് സെക്രട്ടറി ലെഫ്. ജനറല് ശൈഖ് ഫൈസല് അല് നവാഫ് അല് സബാഹിന്റെ നേതൃത്വത്തിലാണ് കഴിഞ്ഞ ദിവസം രണ്ട് ഗവര്ണറേറ്റുകളില് വ്യാപക പരിശോധന നടത്തിയത്.