സച്ചിന്റെയും ലാറയുടെയും റെക്കോര്ഡിനരികെ കോലി
Jun 21, 2019, 19:22 IST
കോലി ലോകകപ്പ് ക്രിക്കറ്റില് നാളെ അഫ്ഗാനെതിരെ ഇറങ്ങുമ്പോള് കൈയകലത്തിലുള്ളത് രണ്ട് മഹാരഥന്മാരുടെ റെക്കോര്ഡ്. അഫ്ഗാനെതിരെ 104 റണ്സ് കൂടി നേടിയാല് രാജ്യാന്തര ക്രിക്കറ്റില് അതിവേഗം 20000 റണ്സ് പിന്നിടുന്ന ബാറ്റ്സ്മാനെന്ന റെക്കോര്ഡ് കോലിക്ക് സ്വന്തമാവും.
നിലവില് ടെസ്റ്റിലും ഏകദിനത്തിലും ടി20യിലുമായി 415 ഇന്നിംഗ്സുകളില് നിന്ന് 19,896 റണ്സാണ് കോലിയുടെ സമ്പാദ്യം. 453 ഇന്നിംഗ്സുകളില് നിന്ന് 20000 രാജ്യാന്തര റണ്സെന്ന നേട്ടം പിന്നിട്ട സച്ചിനും ലാറയുമാണ് ഒന്നാം സ്ഥാനത്തുള്ളത്. 468 ഇന്നിംഗ്സുകളില് നിന്ന് ഈ നേട്ടം കൈവരിച്ച മുന് ഓസീസ് നായകന് റിക്കി പോണ്ടിംഗാണ് രണ്ടാം സ്ഥാനത്ത്.