ജനീവ: വിഖ്യാത ഹോളണ്ട് ചിത്രകാരൻ വിൻസന്റ് വാൻ ഗോഗ് ആത്മഹത്യ ചെയ്യാൻ ഉപയോഗിച്ച തോക്ക് ലേലം ചെയ്തു. 1,62,000 യൂറോയ്ക്കാണ് തോക്ക് ലേലം ചെയ്തത്. പ്രതീക്ഷിച്ചതിന്റെ മൂന്നിരട്ടി വിലയാണ് ഇതിനു ലഭിച്ചത്.
1890 ജൂലൈ 27ന് നോർത്ത് പാരീസിലെ ഒൗവേഴ്സ് സുർ ഒയ്സെയിൽ വച്ചാണ് വാൻ ഗോഗ് സ്വയം ജീവനൊടുക്കിയതെന്ന് കരുതപ്പെടുന്നു.വാൻഗോഗ് അവസാന നാളുകൾ ചെലവഴിച്ച ഗ്രാമത്തിലെ ഒരു കർഷകനാണ് 1965ൽ ഈ തോക്ക് കണ്ടെടുക്കുന്നത്. 2012 ലാണ് ഇത് ആദ്യമായി ആംസ്റ്റർഡാമിലെ വാൻ ഗോഗ് മ്യൂസിയം പ്രദർശനത്തിനു വച്ചത്.