Nature

നിറം കുറവാണെന്ന് പറഞ്ഞ് സംവിധായകരുടെ നിരന്തരമായ ബോഡി ഷെയ്മിങ്ങ്; പൊതുവേദിയില്‍ പൊട്ടിക്കരഞ്ഞ് നടി കീര്‍ത്തി പാണ്ഡ്യന്‍

സംവിധായകരുടെ ബോഡി ഷെയ്മിങ്ങ് അനുഭവങ്ങള്‍ തുറന്നുപറഞ്ഞ് പൊതുവേദിയില്‍ പൊട്ടിക്കരഞ്ഞ് നടി കീര്‍ത്തി പാണ്ഡ്യന്‍. ഹരീഷ് റാം സംവിധാനം ചെയ്യുന്ന തുമ്പ എന്ന ചിത്രത്തിലൂടെ തമിഴ് സിനിമയില്‍ അരങ്ങേറ്റം കുറിക്കുന്ന നടി ചിത്രത്തിന്റെ പ്രചാരണ പരിപാടികള്‍ക്കിടെയാണ് സംഭവം തുറന്നു പറഞ്ഞത്.

‘എന്റെ ശരീരാകൃതിയെ കുറിച്ച് മോശം കമന്റുകള്‍ പറയാത്ത ആദ്യ സംവിധായകനാണ് ഹരീഷ്’ എന്നു പറഞ്ഞു കൊണ്ടായിരുന്നു കീര്‍ത്തി പ്രസംഗം ആരംഭിച്ചത്. ക്യാമറ ടെസ്റ്റിനു വിളിച്ചപ്പോഴും എന്റെ നിറമോ ആകാരമോ അദ്ദേഹത്തിന് പ്രശ്നമായി തോന്നിയല്ല. ഇതു പറയാന്‍ കാരണം, എന്നാല്‍ മൂന്നര വര്‍ഷമായി പല സംവിധായകരും എന്റെ ആത്മവിശ്വാസം തകര്‍ക്കുന്ന തരത്തില്‍ കമന്റുകള്‍ പറയുമായിരുന്നു. എന്നെപ്പോലെ ഇരിക്കുന്ന ഒരാളെ ആരെങ്കിലും സിനിമയില്‍ കാണാന്‍ ഇഷ്ടപ്പെടുമോ, നിറം കുറവല്ലേ… എന്നുള്ള ചോദ്യങ്ങളായിരുന്നു അവസരങ്ങള്‍ തേടിപ്പോയപ്പോള്‍ എനിക്ക് ലഭിച്ചത്. പൊട്ടിക്കരഞ്ഞുകൊണ്ട് നടി പറഞ്ഞു.

ഹരീഷ് രൂപപ്പെടുത്തിയ കഥാപാത്രത്തിന് ജീവന്‍ നല്‍കാന്‍ എനിക്കു കഴിയും എന്ന് അദ്ദേഹം വിശ്വസിച്ചു. എനിക്കു വേണ്ടി അദ്ദേഹം ചെയ്തത് വലിയൊരു കാര്യമാണ്. അതെനിക്ക് മറക്കാന്‍ കഴിയില്ല കീര്‍ത്തി കൂട്ടിച്ചേര്‍ത്തു.

ശ്രദ്ധ എന്ന മോഹന്‍ലാല്‍ ചിത്രത്തില്‍ വില്ലനായി അഭിനയിച്ച അരുണ്‍ പാണ്ഡ്യന്റെ മകളാണ് കീര്‍ത്തി. അഭിനേതാവ്, സംവിധായകന്‍, നിര്‍മ്മാതാവ് എന്നീ നിലകളില്‍ പ്രവര്‍ത്തിച്ച അരുണ്‍ പാണ്ഡ്യന്‍ ഇപ്പോള്‍ തമിഴ് രാഷ്ട്രീയത്തിലും സജീവമാണ്.

Follow Us On Helo, Facebook, Telegram. Subscribe to Our Youtube Channel
You might also like

Comments are closed.