വധശ്രമം : കേന്ദ്ര മന്ത്രി പ്രഹളാദ് സിംഗ് പട്ടേലിന്റെ മകൻ അറസ്റ്റിൽ
Jun 19, 2019, 19:59 IST
മധ്യപ്രദേശിൽ വധശ്രമത്തിന് കേന്ദ്ര മന്ത്രി പ്രഹളാദ് സിംഗ് പട്ടേലിന്റെ മകൻ പ്രബൽ പട്ടേൽ അറസ്റ്റിൽ. മധ്യപ്രദേശിൽ നടന്ന കയ്യാങ്കളിയിൽ നാല് പേർക്ക് ഗുരുതരമായി പരിക്കേറ്റതിനെ തുടർന്നാണ് പ്രബലിനെ പൊലീസ് അറസ്റ്റ് ചെയ്തത്.മഹാരാഷ്ട്രയിലെ ഗൊടെഗോണിലെ നരസിംഗ്പുർ ജില്ലയിലാണ് കേസിനാസ്പദമായ സംഭവം.
പ്രബലും പരുക്കേറ്റ രണ്ടുപേരും തമ്മിലുണ്ടായ വാഗ്വാദമാണ് ആക്രമണത്തിലേക്ക് വഴിതെളിച്ചത്. അടിപിടിയിൽ പരിക്കേറ്റ 50 വയസ്സ് പ്രായമുള്ള ഈശ്വർ റായുടെ നില ഗുരുതരമായി തുടരുകയാണ്.സെക്ഷൻ 307, 147, 48,49, 365, 294 എന്നീ വകുപ്പുകൾ പ്രകാരമാണ് പോലീസ് കേസെടുത്തിരിക്കുന്നത്.