വിവിധ കേസുകളിലെ സുരക്ഷ പരിശോധന: 232 പേർ പിടിയിൽ
കുവൈത്ത് : രാജ്യത്തെ ശർഖ്, ബിനീദ് അൽഗാർ, അഹ്മദി വ്യവസായ മേഖല എന്നിവിടങ്ങളിൽ നടന്ന സുരക്ഷ പരിശോധനയിൽ 232 പേർ അറസ്റ്റിലായി. , താമസ നിയമം ലംഘിച്ച 12 പേർ, ഒമ്പത് ക്രിമിനൽ കേസ് പ്രതികൾ, 11 സിവിൽ കേസ് പ്രതികൾ,ലൈസൻസില്ലാതെ വാഹനമോടിച്ച 75 പേർ, 21 ഒളിച്ചോട്ട കേസുകളിലെ പ്രതികൾ, തിരിച്ചറിയൽ രേഖകളൊന്നും കൈവശമില്ലാതിരുന്ന 99 പേർ, രണ്ട് മദ്യക്കേസ്, രാജ്യത്ത് അനധികൃതമായി പ്രവേശിച്ച ഒരാൾ എന്നിങ്ങനെയാണ് നിരവധി പേരെയാണ് പോലീസ് അറസ്റ്റ് ചെയ്തത്.
വാഹന പരിശോധനയിൽ നാല് വാഹനങ്ങൾ പിടിച്ചെടുത്തു. 900 പേരെ പരിശോധിച്ചതിൽനിന്നാണ് 232 പേരെ അറസ്റ്റ് ചെയ്തത്.സിവിൽ-ക്രിമിനൽ കേസുകളിലെ പ്രതികൾ, സ്പോൺസർമാർ ഒളിച്ചോട്ടത്തിന് കേസ് കൊടുത്തവർ, ഉൗഹ കമ്പനി വിസകളിലെത്തിയവർ, ഇഖാമ കാലാവധി തീർന്നവർ, സ്പോൺസർ മാറി ജോലിചെയ്യുന്നവർ, മദ്യ-മയക്കുമരുന്ന് കച്ചവടക്കാർ, തിരിച്ചറിയൽ രേഖകൾ കൈവശമില്ലാത്തവർ എന്നിവരെയാണ് പോലീസ് കുടുക്കിയത് .