രാജ്യത്ത് പ്രതിദിന കോവിഡ് കേസുകൾ കുറയുന്നു; 24 മണിക്കൂറിനിടെ 2,63,533 പേർക്ക് രോഗബാധ; 4,329 മരണങ്ങളും
ന്യൂഡൽഹി: രാജ്യത്തിന് ആശ്വാസമായി പ്രതിദിന കോവിഡ് കേസുകൾ കുറയുന്നു. കഴിഞ്ഞ 24 മണിക്കൂറിനിടെ 2,63,533 പേർക്കാണ് പുതുതായി കോവിഡ് സ്ഥിരീകരിച്ചത്. ഇതോടെ രാജ്യത്ത് കോവിഡ് സ്ഥിരീകരിച്ചവരുടെ ആകെ എണ്ണം 2,52,28,996 ആയി ഉയർന്നു.ഒരു ഘട്ടത്തിൽ നാല് ലക്ഷത്തിന് മുകളിൽ ദിനം പ്രതി കോവിഡ് കേസുകൾ റിപ്പോർട്ട് ചെയ്തിടത്തു നിന്നാണ് 2.63 എന്ന കണക്കിലേക്ക് എത്തിയിരിക്കുന്നത്. അതേസമയം, മരണസംഖ്യ കുറയാത്തത് ആശങ്കയാകുകയാണ്.കഴിഞ്ഞ 24 മണിക്കൂറിനിടെ 4,329 കോവിഡ് മരണങ്ങളാണ് രാജ്യത്ത് സ്ഥിരീകരിച്ചത്. ഇതോടെ രാജ്യത്ത് ആകെ കോവിഡ് മരണം 2,78,719 ആയി ഉയർന്നു. രോഗം ഭേദമായവരുടെ എണ്ണത്തിലും വൻ വർധനവുണ്ടായി. 4,22,436 പേരാണ് പുതിയതായി രോഗമുക്തരായത്.