അമേരിക്കയില് ഇന്ത്യന് വംശജനായ ടെക്കിയുടെ മരണം ആത്മഹത്യ;ഭാര്യയുടെയും മക്കളുടെയും കൊലപാതകം
വാഷിംഗ്ടണ്: അമേരിക്കയില് ഇന്ത്യന് വംശജനായ ടെക്കിയെയും കുടുംബത്തെയും വീടിനുള്ളില് വെടിയേറ്റു കൊല്ലപ്പെട്ട നിലയില് സംഭവത്തില് ചന്ദ്രശേഖര് ശങ്കര ആത്മഹത്യ ചെയ്യുകയായിരുന്നെന്ന് പോലീസ് സ്ഥിരീകരിച്ചു. ഇന്ത്യന്-അമേരിക്കന് ഐടി പ്രഫഷണലായ ചന്ദ്രശേഖര് ശങ്കര, ഭാര്യ ലാവണ്യ, 15, 10 എന്നിങ്ങനെ പ്രായമുള്ള കുട്ടികള് എന്നിവരുടെ മൃതദേഹങ്ങളാണ് ശനിയാഴ്ച അയോവയിലെ വീട്ടില് കണ്ടെത്തിയത്.
പോസ്റ്റ്മോര്ട്ടം റിപ്പോര്ട്ട് പരിശോധിച്ചശേഷമാണ് പോലീസ് നിഗമനത്തിലേക്ക് എത്തിയത്. മറ്റുള്ള മൂന്നു പേരുടെയും മരണം കൊലപാതകമാണെന്നു വെസ്റ്റ് ദേസ് മോയിന്സ് പോലീസ് പറയുന്പോഴും പുറത്തുനിന്നുള്ള ഇടപെടല് ഉണ്ടായിട്ടില്ല എന്ന നിലപാടിലാണ്. ഇവരുടെ മൂന്നു പേരുടെയും കൊലയാളിയെ പോലീസ് വെളിപ്പെടുത്തിയിട്ടില്ല.