മസ്തിഷ്ക ജ്വരം; മരിച്ച കുട്ടികളുടെ എണ്ണം 109 ആയി
Jun 19, 2019, 09:05 IST
മുസഫർപൂര്: ബീഹാറിലെ മുസഫർപൂരിൽ മസ്തിഷ്ക്ജ്വരം ബാധിച്ച് മരിച്ച കുട്ടികളുടെ എണ്ണം 109 ആയി. മൂന്നൂറിലേറെ കുട്ടികള് ഇപ്പോഴും രണ്ട് ആശുപത്രികളിലായി ചികില്സയിലാണ്. മുസാഫര്പൂരിലെ ശ്രീകൃഷ്ണ മെഡിക്കല് കോളേജ് ആശുപത്രിയില് മാത്രം 89 കുട്ടികളാണ് മരിച്ചത്. കുട്ടികൾ മരിച്ച സ്ഥലം വിദഗ്ധ സംഘം ഇന്ന് സന്ദർശിക്കും.
ഇന്നലെ ശ്രീകൃഷ്ണ ആശുപത്രി സന്ദർശിക്കാനെത്തിയ മുഖ്യമന്ത്രി നിധീഷ് കുമാറിനെതിരെ നാട്ടുകാർ പ്രതിഷേധിരുന്നു. ബാലമരണങ്ങള്ക്ക് അറുതിവരുത്തുന്നതിന് അടിയന്തിരമായി പ്രത്യേക കേന്ദ്ര സംഘത്തെ നിയോഗിക്കണമെന്നാവശ്യപ്പെട്ട് സുപ്രീം കോടതിയില് പൊതു താല്പര്യ ഹര്ജി സമര്പ്പിക്കപ്പെട്ടിട്ടുണ്ട്. രോഗം നിയന്ത്രിക്കുന്നതില് സംസ്ഥാന സര്ക്കാര് പരാജയപ്പെട്ടെന്നും ഹര്ജിയില് ചൂണ്ടിക്കാട്ടുന്നു.